SAL7376, Akte: R°162.3 (327 van 754)
Akte R°162.3
Act
Datum: 1482-12-11
Transcriptie
2021-02-24 door Marie-Bernadette DesmedtWant katlijne loenkens als geleyt onder den ande(re)n/
nae deser stadt recht voir hue(r) wettich gebreck uut crachte/
van scepen(en) brieve(n) van loeven(e) tot allen den goeden beyde have/
en(de) erve jans reynarts soe wair die gelegen zijn huer met/
brieve(n) van des(er) stadt gescreve(n) aen den meye(r) va(n) meylhem/
oft zijne(n) lieuten(ant) alle de selve goede heeft doen leve(re)n en(de) den/
selve(n) ja(n)ne dach va(n) rechte alhier te co(m)pare(re)n heeft doe(n) bescheyden/
Tot welken daghe de voirs(creven) jan reynarts noch niemant/
va(n) zijne(n) wegen geco(m)pareert en es der voirs(creven) geleydden altijt/
co(m)pare(re)nde en(de) trecht voirt versueken(de) soe v(er)re dat scepen(en)/
va(n) loeven(e) ter manissen smeyers nae dat hen behoirlijc/
heeft gebleken bij rapporte wout(er)s va(n) boenenrode des(er) stad/
bode de voirs(creven) leveri(n)ge en(de) dachbescheydi(n)ge geschiet te zijne/
gewesen hebben voir een vo(n)nisse datmen der voirs(creven) geleydder/
vanden voirs(creven) goeden houden soude inde macht va(n) zijne(n) beleyde/
en(de) leveri(n)gen voirs(creven) alsoe v(er)re alst noch voir scepen(en) comen es/
in sca(m)pno dece(m)br(is) xi
Nagekeken door: Jos Jonckheer
Moderator: Jos Jonckheer
Laatste update:: 2016-11-15 door Xavier Delacourt