It(em) willem ricx sone wilen jans ter eender en(de) anthonijs/ van tongerloe sone wilen arnts ter ande(r) zijden zijn op
//
heden v(er)accordeert en(de) eenswordden bij tusschen spreken(e) van/ hue(re)n vrienden voir hen hue(re)n erven en(de) naecomeli(n)gen alse/ van huer(er) beyder erven neven een gelegen tusschen de cortstrate/ en(de) de proefstrate bijden putte aldair der pointen en(de) cond(icien)/ hier nae volgen(de) quos p(ro)mis(seru)[nt] tene(re) firmos infutur(um) soe v(er)re/ elken die aengaen Te weten(e) dat des voirs(creven) anthonijs acht(er)ste/ huys dwelc hij met platten stijlen nu heeft doen maken/ vast aen den want svoirs(creven) willems en(de) met eene(n) haysel doen/ stellen in en(de) over tdack svoirs(creven) willems aldair sal bliven staen(de)/ erflijc soe hij dat ald(air) alsnu heeft doen stellen en(de) maken sonder/ dat de selve anthonijs oft zijn naecomelingen der goten beneden/ nairde(r) comen metsen oft ty(m)me(re)n selen moegen in tijden toecomen(de)/ oft die meer cortten dan die nu es oft dat de voirs(creven) willem/ d(air)af e(n)nigen cost hebben sal en(de) aengaen(de) willems want/ tusschen beyde staen(de) die sal anthonijs van zijnder zijden als/ die dair vergaet op zijne(n) cost en(de) willem va(n) zijnder zijden/ als die dair v(er)gaen oft gebroken sal zijn op zijne(n) cost doen/ plecken sonder dat anthonijs in e(n)nige ty(m)meri(n)ge van dier/ want gehouden sal zijn It(em) dat de voirs(creven) anthonijs tot zijne(n)/ coste onder den osydrup van willems huyse bove(n) de vinste(r)/ die laureys de keersmake(re) dair behouden heeft sal moeten/ doen leggen een goote hulten oft looten soe anth(onijs) dat/ best gelieft d(air)mede dwater van willems huyse en(de) osydruppe/ geleyt sal wordden leden den uutersten stijl ter cortstrate(n)/ weert staen(de) vand(en) voirs(creven) vynste(re)n dair de selve laureys/ seke(r) licht dair voe(r) ontfaet alsoe dat d(air)af den selve(n) stijl/ niet en bederve En(de) die gote sullen anthonijs en(de) zijn/ nacomelingen tot eeuwigen daghen aldair alsoe moeten/ onderhouden op hue(re)n cost cor(am) hoeve(n) tybe dece(m)br(is) xviii