Nae dien dat h(er) lodewijck py(n)nock ridde(r) als meye(r) van/ loeven(e) den raide vander stadt vander heerlich(eyt) wegen heeft/ te kynnen gegeven en(de) bij zijne(n) lieuten(ant) ja(n)ne willems/ doen vervolgen om gecorrigeert te wordden(e) zeke(r) excessen/ alsoe hij seyde begaen bij merten(e) de smet sone wilen jans/ van kessele en(de) he(n)neken merre natuerlijc sone jans merre/ onder den selven officier gehacht wesen(de) d(air)af de selve/ meye(r) seke(r) informacie hadde genomen die hij met gesc(ri)fte/ overgaf bijden selve(n) twee p(er)sonen naeder hachten v(er)leden/ ter p(rese)ncien van hee(re)n machiele absoloens ridde(r) en(de) goessen/ tybe scepen(en) ons gened(ichs) hee(re)n shertogen in zijnder stadt/ van loeven(e) op s(in)[te] laureys avo(n)t den ix[te(n)] dach va(n) augusto/ a(n)no xiiii[c] lxxxii te weten(e) hoe dat zij ten tijde van/ huer(er) joncheyt als zij tot volcomen(e) verste(n)nissen van/ ja(r)en niet comen en wa(r)en nae recht seke(r) oneerba(r)e/ saken voirt gekeert en(de) gehanteert souden hebben met/ hee(re)n leonarde va(n) gryboval p(re)laet va(n) vlierbeke tertijt/ als zij bij hem woende inder maten de selve infor(ma)cie/ dat inhielt En(de) nae der hant de voirs(creven) officier oic/ der stadt overgaf een ande(r) informacie genome(n) opde/ fame vanden selven excessen tegen den voirs(creven) p(re)laet/ tande(re)n tijden bij seke(r) co(m)missarijsen dair toe gedeputeert/ van ons gened(ichs) hee(re)n weegen en(de) den eerweerdigen/ vader in gode hee(re)n lodewijke va(n) borbon in zijnder tijt/ busscop te luydick dair inne de voirs(creven) jan en(de) merten/ tuychden tvoirs(creven) feyt van oneerbaerheyden geschiet te zijne/ inder maten de selve infor(ma)cie dat oic inhieldt seggen(de)/ de voirs(creven) officier hoe dat hij mits der joncheyt van/ ja(r)en der selver geva(n)gen(e) dair zij inne wa(r)en ter tijt/ als de voirs(creven) excessen gebuert souden wesen niet gesynt/ en wa(r)e noch en bevo(n)de in zijne(n) raide de selve met/ stranger execucien c(ri)minelijc te punie(re)n gelijc oft zij tot/ volcomen(e) ja(r)en en(de) discrecien hadden geweest alsoe hij/ meynde soude moegen doen Gheven(de) tselve tstuc en(de)
//
feyt der selver stadt over om dat gecorrigeert te worden(e)/ bij hen civilijc fo soe zij bevi(n)den souden nae recht behoiren(de)/ versueken(de) dair inne de hoocheyt ons gened(ichs) hee(re)n shertoge(n)/ en(de) zijnder stadt recht verwaert te hebben(e) nae gelegentheyt/ der excessen ten exemple van ande(re)n Soe hebben de/ wethoude(re)n vander stadt op dese materie goede rijpe/ deliberacie en(de) raet gehadt en(de) geledt op alle tghene/ des in desen te weghen was en(de) dae(re)ntynden get(er)mineert/ en(de) uutgesproken voe(r) recht dat de voirs(creven) meye(r) de/ selve twee geva(n)gen(en) sal gehouden zijn costeloes te/ ontslane en(de) dat zij vander ticht nae recht o(n)gelast/ sullen bliven in pleno consilio opidi ja(nua)[rii] xxiiii