Allen den ghenen (et)c(etera) doen cont en(de) kenlijck (et)c(etera) en(de) certifice(re)n/ voir de gerechte wairh(eit) dat jouffr(ouwe) marie van beringen wed(uwe)/ wijlen jorijs de hont onse poirt(er)sse cu(m) tuto(r)e en(de) bekinde dat/ sij mechtich gemaict en(de) in hue(re) stede gestelt heeft maicte wettelic/ mechtich en(de) stelde in hue(re) stede met desen brieve anthonijse vanden broecke meeste(re)n janne van beringe(n) wissele(r) te loeven(e)/ adriane verheylwigen sijne(n) behuweden sone joh(ann)ese vander/ eycken henricke wermoes en(de) elcken bezund(er) bring(er) des briefs/ o(m)me van hue(re)n wegen en(de) inden name van huer te v(er)coopen(e)/ te v(er)thijene terve te geven(e) en(de) uut te gane alsulken drie/ en(de) een half boend(er) beemts en(de) omtri(n)t twee boender aerts mette(n)/ toebehoirte(n) gelegen tot we(m)melgeem deen bij dand(er) in viere/ p(ar)ceelen die jan pauwels in laetschapen besitten(de) es en(de) insgelix/ alle alsulken ande(r) erfgoede toebehoiren(de) ja(n)ne ts(er)mois der/ voirs(creven) jouffr(ouwe) pant wesen(de) voe(r) hue(re) vijftich r(inssche) guld(en) tsjaers/ erflic ter quiti(n)gen wair sij gelegen sijn weder die uutge/ wonnen sijn oft niet soe wa(n)neer die uutgewonne(n) sullen/ zijn ende die hue(re)n behoirlijken tijt dair toe gehadt sullen/ hebben de selve alnoch niet v(er)reyct noch uutgewonnen met/ rechte te vervolgen en(de) te verreycken ter selv(er) uutwynni(n)gen/ en(de) alle vorderingen en(de) sole(m)niteyten dair toe nae recht en(de)/ costume vanden plaetsen behoiren(de) te doen(e) en(de) te vorde(re)n/ de sake en(de) des dair aen cleeft te bedingen te wynne(n) te/ verliesen de coopers en(de) erfteniers inde selve goede te erven/ ende te vestigen het sij met brieve(n) oft anderssins gelijck/ dat nae den rechte vander plaetsen dair de selve goede/ gelegen sijn behoiren sal dair o(m)me op dat noot sij uut/ te dingene en(de) te dedingen recht dair aff te gevene en(de)/ te nemen(e) compositie te makene quitan(cie) van hue(re)n ontfange/ te verlijden(e) ende voirtane alle tgene dair mede te doene/ en(de) te hante(re)ne het sij mett(er) mynnen oft metten rechte dat/ de voirs(creven) jouffr(ouwe) marie met hue(re)n voirs(creven) momboe(r) selve p(rese)nt/ en(de) voir oogen wesen(de) doen soude moegen Geloven(de) in goede(n)/ trouwen soe wes bijden voirs(creven) procur(eur)s oft e(n)nigen van/ hen hier inne gedaen en(de) voirtgekeert sal wordden dat/ sij dat houden sal over goet vast gestade en(de) van weerden/ tallen dagen sonder dair jegens te comen(e) oft te doen(e)/ in e(n)nig(er) manie(re)n sonder fraude oft argelist Ende des/ torconden (et)c(etera) cor(am) buetsele burg(imagistr)[o] hoeven tybe scab(inis)/ febr(uarii) xx