It(em) willem vanden ynde van dieghem die alh(ier) mett(er) stadt/ brieve(n) bescr(even) was ten versueke van m(ar)grieten coremans/ wed(uwe) wonen(de) te hockezeele uut saken van gebreke van be/ talinge(n) van seke(r) lijftochte(n) van coren(e) heeft hem op heden/ te rechte gep(rese)nteert inde banc voir meye(r) en(de) scepen(en) yegen/ d(er) voirs(creven) m(ar)griete(n) aldair sij noch procur(eur) van hue(re)n wegen/ gecompareert en es in scampno febr(uarii) xxv