Vanden geschille en(de) differencien wesen(de) tusschen ja(n)ne machiels/ en(de) ja(n)ne moens voir hen en(de) hue(re)n medeplege(re)n ter eende(r) en(de) ja(n)ne/ scrij(n)makers ter ande(re) aengaen(de) seke(r) erve hebben hen de voirs(creven)/ p(ar)tien gesubmitteert en(de) verbonden inde arbiters en(de) mynlike yeffene(re)n/ naebescreven te weten(e) de voirs(creven) jan machiels met zijnen/ medeplege(r) in gerardu(m) van baussele en(de) de voirs(creven) jan scrij(n)makers/ in arnde vander moelen geheeten m(er)cielijs rintm(eeste)r der stadt van/ loeven(e) in sulker vuegen dat p(ar)tien en(de) elc van hen overbringen/ sullen hue(r) bescheyt en(de) allet ghene des hem inder voirs(creven) huer(er) saken/ dienen mochte tusschen dit en(de) smaendaichs inde paeschdage/ naestcomen(de) om dat bijden voirs(creven) arbiters gevisiteert te/ worden(e) en(de) hen gehoirt zijnde dair inne gedaen te wordden/ soe beho(r)en sal en(de) selen de voirs(creven) seggers op dat zijs eens wordden/ hue(r) uutsprake doen tot beloken(en) paesschen d(air)naest volgen(de) en(de)/ selen p(ar)tien voirs(creven) alle lasten die opde voirs(creven) erve by(n)nen middelen/ tijde vallen sullen oft gevallen zijn te gelike draghen en(de) weder/ gekeert wordden bijder eender p(ar)tien der ande(re) dien dat naeder/ selver uutspraken toebehoiren sal dwelc zij in wederzijde(n) toegeseet/ hebben oic tachtervolgen(e) p(ro)mitt(entes) rat(um) te hebben(e) des bijden selven/ seggers uutgesproken sal wordden cor(am) roelants tants/ m(ar)cii xvii