It(em) jan van calcken als geleyt tot den goeden peters zijns vaders/ ter eender en(de) cornielijse van calcken zijne(n) brueder vanden voirbedde/ voir hem en(de) zijne(n) medeplege(re)n ter ande(re) hebben geco(n)senteert dat/ de vruchten vanden goeden tusschen hen in questien staen(de) en(de) d(aer)af/ zij alhier voir meye(r) en(de) scepen(en) tegen malcande(re)n hangen bij hen/ gesame(n)derhant en(de) gelijcken coste inne gedaen wordden en(de) geleet/ in sequestre totten ynde vanden rechte en(de) dat zij voirtane/ die goede gesame(n)derhant en(de) te gelijken coste sullen doen/ wynnen en(de) werven en(de) de vruchten d(aer)af gecomen sequestre(re)n/ tot dat beslicht es in gewariger hant dair dat beyde/ p(ar)tien te vreden zijn en(de) al ter mynster cost En(de) hebben voirt/ beyde selve p(ar)tien hue(re)n dach van rechte op morgen voe(r)/ meye(r) en(de) scepen(en) dienen(de) uutgestelt en(de) verlingt op van/ morgen in iiii weeken naestcomen(de) om alsdan te dienen/ gelijc hij heden [morgen] gediene(n) soude hebben in sca(m)pno julii x