It(em) dese leste guedi(n)ge es geschiet tot dier meyni(n)gen wairt tsake/ dat tvoirs(creven) cloester inden name va(n) josijne(n) bone aldair geprofessijt suster/ des voirs(creven) jacops oft oic qui(n)ten bone huer brueder oft e(n)nich van hen
//
naemaels aen hen ae(n)gedeylde goede oft rinten gebrec hadden oft/ bevonden hoedanich dat wa(r)e dat zij metter selver guedi(n)gen aen/ de voirs(creven) lijfpen(sien) soe v(er)re e(n)nich vanden liven noch leefde tderdel vand(en)/ selve(n) gebreke met coste en(de) co(m)me(r) dair op geloepen v(er)halen soude(n) moege(n)/ En(de) tot dier meyni(n)gen es den voirs(creven) rintbrief onder scepen(en) geleecht/ om aldair te bliven te deser condicien en(de) oft de selve rinte afgeleecht/ wordde datmense weder ter selver natue(re)n aenleggen sal en(de) soe lange/ gheen gebreck bevo(n)den en wordde sal jacop de selve zijn iiii r(inssche) g(ulden) heffen/ moeghen sonder die rinten te moegen v(er)setten vercoepen oft belasten in/ e(n)niger manie(re)n cor(am) eisd(em)