Tusschen willem(me) fulgaens als stedehoude(r) smeyers van/ zichen(en) doen(de) dontschout vand(en) selven meye(r) als dat hij/ op ghiste(re)n mits seke(re)n occupacien zijnder officien ae(n)gaen(de)/ alhier niet en mocht zijn acht(er)volgen(de) der t(er)mi(n)acien vand(er) stadt/ vand(er) daet [vacat] tegen henr(ic) vand(er) veken(en)/ en(de) alsoe bege(re)nde va(n) desselfs meyers wegen eenen ande(re)n/ redeliken dach ter eender en(de) den selve(n) henr(ic) vand(er) veken(en)/ ter ande(re) Es uutgesproken en(de) geappointeert nae dat de/ voirs(creven) voir t(er)mi(n)acie gevisiteert es geweest dat de voirs(creven)/ meye(r) gehouden sal zijn den voirs(creven) henr(ic) de goede uut/ zijne(n) huyse oft biva(n)ge gehaelt te restitue(re)n oft doen/ restitue(re)n op caucie en(de) borchtocht die de selve henr(ic) stellen/ sal moegen genoech zijnde voir de weerde en(de) esti(m)acie der/ selver goeden om trecht d(air)af alhier geloepen zijnde oft zij/ den hee(re) als geco(n)fisqueert ae(n)gewesen en(de) get(er)mineert werd(en)/ die te restitue(re)n anders dat de selve henr(ic) die behouden/ sal en(de) p(ar)tien hebben om h(ier)af rechts int p(ri)ncipael te plegen/ dach genomen op in vrijdage naestcomen(de) te mistijde bijden/ raide vand(er) stadt in cons(ili)[o] opidi julii xiii