Aldair machiel ysermans jan va(n) lieve(n)dale als p(ro)cur(eur)s en(de)/ lyoen van blittersvliet als rintmeester va(n) hee(re)n pauwelse/ de bont canonick van antwerpen voir den raide vand(er)/ stadt ontboden hadden romboute kelderman en(de) katlijne(n)/ vand(en) horst beghe(re)nde va(n) huer betaelt te zijne va(n) lvi r(inssche) g(ulden)/ eens die linken sbonten der voirs(creven) katlijne(n) vand(en) horst natuerlike/ dochter den voirs(creven) hee(re)n pauwelse sculdich was bleven soe va(n)/ montcoste geleende ghelde soe van meesterghelde dair voe(r) h(er)/ pauwels verantweert heeft te voirde(r) want zij de goede der/ selver linken ae(n)veert en(de) te huerweert getogen hadde soemen/ dat inder waerheyt bevi(n)den soude en(de) oic want de selve linken/ in seke(re)n hue(re)n testame(n)te te bruessel gemaect d(air)af zij een cedulle/ exhibeerden begheert hadde datmen alle huer wettige schulden/ betalen soude va(n) hue(re)n goeden dair tegen de selve rombout/ en(de) katlijne vand(en) horst exhibeerden een ander instrume(n)t/ vanden testame(n)te der voirs(creven) linken sbonte(n) bij huer zeder/ gemaect dairmede huer alle de voirs(creven) hue(r) goede gemaect/ zijn en(de) uut crachte vanden welken zij die hadde ae(n)veert/ hopen(de) en(de) meynen(de) der schulden ongehouden te zijne/ Tegen dwelc de wederp(ar)tie altrice(re)nde Es uutge/ sproken bijden raide vander stadt p(ar)tien int lange gehoirt/ nae dien p(ar)tien beyde alligeerden actien va(n) testa/ me(n)ten dat zij huer actie en(de) recht d(air)af vervolgen/ souden en(de) vorde(re)n ter plaetsen dair die behoiren act(um)/ in co(n)silio opidi ap(ri)lis ix