It(em) henry du molin van arkenen en(de) jan robbijns va(n) mechelen/ die uut crachte van besloten(en) brieve(n) der stadt van loeven(e) gescreven/ aen den meye(r) en(de) scepen(en) van arkenen op heden alhier dach van / rechte hadden inde banck voir meye(r) en(de) scepen(en) van loeven(e) tegen/ merten(e) sohar van sint aechten rode en(de) dat uuyt saken onder/ den ande(re)n van viii mudden core(n)s der maten va(n) loeven(e) erfelijcx/ pachts die arnt wilen robbijns gecreech met scepen(en) brieven/ va(n) loeven(e) int jair van xlvi aen en(de) op seke(re) goede bodarts le febure/ gelegen tarkenen voirs(creven) te duwechial te graven en(de) dair omtrint/ gelijc de selve bodar die aldair te houden plach vand(en) welken/ viii mudden core(n)s oft panden der selver de selve arnt robbijns/ voe(r) jan robijns nae en(de) alsnu de voirs(creven) henr(ic) vredelike possessie hebben/ gehadt en(de) alnoch de selve onderpande besidt soe uut crachte vand(en)/ voirs(creven) scepen(en) brieve(n) van loeven(e) soe anderssins die voe(r) den voirs(creven) erfpacht/ zijn bleven liggen(de) vanden welken erfpachte oft onderpanden der/ selver de selve merten den voirs(creven) henri du molin en(de) ja(n)ne robbijns/ pijnde ongebruyck te doen(e) den selve(n) dach bescheyden(e) te co(m)pare(re)n/ inde banck tarkenen co(n)trarie den scepen(en) brieven van loeven(e) dairaf/ de ky(n)nisse alleene alhier behoirde heeft hem de selve henry/ inden name en(de) oick van hem [en(de) oick] als p(ro)cu(reu)r jans robbijns op heden/ inde banck tegen den selven merten(e) te rechte gep(rese)nteert aldair/ de selve m(er)ten noch p(ro)cur(eu)r van zijnen weegen geco(m)pareert en es/ in sca(m)pno cor(am) abs(oloens) boxh(oren) roel(ant) hoeve(n) tants aug(usti) xxii