Want joes lachman als geleyt nae deser stadt recht voir/ zijn wettich gebreck uut crachte va(n) scepen(en) brieve(n) va(n) loeven(e)/ tot allen den goeden beyde have en(de) erve onder den ande(re)n jans wilen/ de moer soe wair die gelegen hem met brieve(n) van deser stadt/ gescreven aen den meye(r) va(n) ca(m)penhout oft zijne(n) stedehoude(r)/ te wespelair alle de selve goede onder hem gelegen heeft doen/ leve(re)n en(de) der weduwen desselfs wilen jans de moer dach/ va(n) rechte alhier te co(m)pare(re)n oft zij tegen de voirs(creven) leveri(n)ge yet/ hadde willen allige(re)n oft de voirs(creven) scepen(en) brieve impugne(re)n co(m)/ heeft doen bescheyden Tot welken dage de voirs(creven) wed(uwe) noch/ nyema(n)t van hue(re)n wegen geco(m)pareert en es den voirs(creven) geleydden/ altijt co(m)p(ar)e(re)nde en(de) trecht voirt versueken(de) soe v(er)re dat scepen(en)/ va(n) loeven(e) ter manissen smeyers nae dat hen behoirlijc heeft/ gebleken bij rapporte wouters va(n) boenrode des(er) stadt bode/ de voirs(creven) leveri(n)ge en(de) dachbescheydinge geschiet te zijne gewesen/ hebben voir een vo(n)nisse datmen den voirs(creven) geleydden vand(en) voirs(creven)/ goeden soude houden inde macht va(n) zijne(n) beleyde en(de) leveri(n)gen/ voirs(creven) alsoe v(er)re alst noch voir scepen(en) comen es in sca(m)pno octobr(is) viii