Vanden questien en(de) geschillen die zijn moegen tusschen/ jouffr(ouwe) yolanie de longchamp weduwe jans wilen van/ kerckem ter eender en(de) mycharde de halley die als meye(r) van/ orp le petit ten versueke van des(er) stadt en(de) v(er)volge lijsbetten/ hacke als geleyt totten goeden have en(de) erve des voirs(creven) wilen/ jans va(n) kerckem mits execucien bij hem gedaen zeke(r) hant/ plichtinge en(de) hanteringen va(n) hue(re)n goeden een wijle tijts/ gehadt heeft ter ande(re) om der rekeni(n)gen wille bewijs en(de)/ bescheyt vand(er) selver hanteri(n)gen ontfange en(de) uutleggen/ huer(er) goede en(de) des d(air)aen cleeft hebben hen de selve p(ar)tien/ gesubmitteert in segge(re)n en(de) vriendelike yeffene(re)n Te weten(e)/ de voirs(creven) jouffr(ouwe) in huygen va(n) udekem en(de) henr(icke) hanckart en(de)/ de voirs(creven) meye(r) in hee(re)n ja(n)ne palmairt en(de) henr(icke) vasont in sulker/ vuegen dat de voirs(creven) jouffr(ouwe) hue(re) gebreken ov(er)gheven sal en(de) de
//
de meye(r) d(air)op antweerden sal in gescrifte bynnen derden/ daghe naestcomen(de) En(de) by(n)nen viii dagen d(air)nae sullen de segg(er)s/ ofts behoeft inder saken informacie en(de) claernisse nemen en(de)/ aenhoiren dair p(ar)tien hen sullen moegen behulpen met/ certificacien onder behoirlike segele vand(en) wethoude(re)n dair voe(r)/ de claernissen sullen wordden gedaen en(de) hue(re) uutsprake doen/ op dat zijs eens zijn oft anders d(aer)af halen een vo(n)nisse van/ scepen(en) va(n) loeven(en) om den wijn p(ro)mitt(ens) rat(um) En oft p(ar)tien/ segge(re)n gebrake en(de) oft by(n)nen den viii dagen voirs(creven) die claernissen/ niet en consten gebue(re)n dien tijt noch viii dage [te] v(er)lingen cor(am)/ boxhoren tants julii x