Want henrick de coste(re) als geleyt nae deser stadt recht/ voir zijn wettich gebreck uut crachte van scepen(en) brieve(n) van/ loeven(e) tot allen den goeden beyde have en(de) erve henr(ix) wilen/ mychiels jans wilen mychiels zijns vaders jans wilen/ standart ten bossche en(de) wouters wilen standaert zijns neven/ soe wair die gelegen zijn hem met brieve(n) van des(er) stadt/ gescreve(n) aen den meye(re) van arschot oft zijne(n) stedehoude(re) te/ langdorp alle de selve goede heeft doen leve(re)n en(de) der weduwe(n)/ des voirs(creven) wilen henr(ix) mychiels dach va(n) rechte alhier te co(m)pare(re)n/ oft zij tegen de voirs(creven) leveri(n)ge yet hadde willen allige(re)n oft/ de voirs(creven) scepen(en) brieve impugne(re)n heeft doen bescheyden Tot/ welken daghe de voirs(creven) weduwe noch nyema(n)t anders en es/ geco(m)pareert den voirs(creven) geleydden altijt co(m)pare(re)nde en(de) trecht/ voirt versueken(de) soe v(er)re dat scepen(en) van loeven(e) ter manissen/ smeyers nae dat hen behoirlijc heeft gebleken bij rapporte wouters van boenrode des(er) stadt bode de voirs(creven) leveri(n)ge ende/ dach bescheydinge geschiet te zijne gewesen hebben voir een/ vo(n)nisse datmen den voirs(creven) geleydden vand(en) voirs(creven) goeden houde(n)/ soude inde macht va(n) zijne(n) beleyde en(de) leveri(n)gen voirs(creven) alsoe/ v(er)re alst noch voir scepen(en) comen is in sca(m)pno maii xxii