Want jaspar vand(en) hornicke als geleyt nae deser stad recht/ voir zijn wettich gebreck uut crachte van scepen(en) brieve(n) va(n) loeven(e)/ tot allen den goeden beyde have en(de) erve willems cleynaerts/ sone wilen arnts soe wair die gelegen zijn hem met brieven/ van deser stadt gescr(even) aen den meye(r) va(n) werchte(r) oft zijne(n) stede/ houde(r) te wackerseele alle de selve goede des voirs(creven) willems/ onder hem gelegen heeft doen leve(re)n en(de) den selve(n) willem(me)/ dach va(n) rechte alhier te co(m)pare(re)n inde banck voir meye(r) en(de) scepen(en)/ va(n) loeven(e) heeft doen bescheyden oft hij tegen de voirs(creven) leveri(n)ge/ yet hadde willen allige(re)n oft de voirs(creven) scepen(en) brieve impugne(re)n/ tot welken daghe op heden dienen(de) de voirs(creven) willem noch/ nyema(n)t va(n) zijne(n) wegen geco(m)pareert en es den voirs(creven) geleydden/ altijt co(m)pare(re)nde en(de) trecht voirt versueken(de) soe v(er)re dat scepen(en)/ va(n) loeven(e) ter manissen smeyers nae dat hen behoirlijc heeft/ gebleken bij rapporte pet(er)s comeling des(er) stadt bode de voirs(creven) leve/ ri(n)ge en(de) dach bescheydinge geschiet te zijne gewesen hebben/ voir een vo(n)nisse dat men den voirs(creven) geleydden vand(en) voirs(creven) goeden/ houden soude inde macht va(n) zijne(n) beleyde en(de) leveri(n)gen voirs(creven)/ alsoe v(er)re alst noch voir scepen(en) comen is in sca(m)pno oct(obris) xv