Want jan vand(en) blooke als mo(m)boir lijsbetten truydemans/ zijns wijfs en(de) yde truydemans huer suster geleyt voir hue(r)/ wettich gebreck totten gereeden en(de) haefliken goeden arnts/ truydemans wille wilen huers vaders hem met brieve(n) van/ des(er) stadt gescreven aen den meye(r) van werchte(r) oft zijne(n) stede/ houde(r) alle de selve gereede en(de) haeflike goede heeft doen leve(re)n/ en(de) m(ar)grieten hobbouts weduwe desselfs wilen arnts die die/ houden(de) was dach va(n) rechte alhier te co(m)pare(re)n oft hij[zij] tegen de/ voirs(creven) leveri(n)ge yet hadde willen allige(re)n oft de voirs(creven) scepen(en) brieve/ impugne(re)n Tot welken daghe de voirs(creven) weduwe noch nyema(n)t/ van zijne(n) [hue(r)] wegen geco(m)pareert en es den voirs(creven) geleydden altijt co(m)p(ar)e(re)nde/ en(de) trecht voirt versueken(de) soe v(er)re dat scepen(en) va(n) loeven(e) ter/ manissen smeyers nae dat hen behoirlijc heeft gebleken bij resc(ri)pte/ va(n) ja(n)ne van elsbroecke meye(r) van werchte(r) de voirs(creven) leveri(n)ge/ en(de) dachbescheydinge geschiet te zijne gewesen hebben voir/ een vo(n)nisse datmen den voirs(creven) geleydden vand(en) voirs(creven) goeden/ houden soude inde macht vand(en) voirs(creven) beleyde en(de) leveri(n)gen voirs(creven)/ alsoe v(er)re alst noch voir scepen(en) comen es in sca(m)pno oct(obris) xv