Achtervolgen(de) der submissien geschiet junii p(ri)ma lestleden/ voir scepen(en) va(n) loeven(e) tusschen jacoppe maricke den jongen/ ter eender en(de) henri del haye sone wilen henr(ix) ter ande(r)/ zijden hebben op heden voir scepen(en) va(n) loeven(e) de segge(re)n/ inder selver submissien begrepen hue(r) uutsprake dairaf/ gedaen inder manie(re)n hier nae volgen(de) Te weten(e) ierst dat/ de voirs(creven) jacop maricke va(n) nu voirtaen draghen sal ende/ jairlijx betalen sonder last des voirs(creven) henr(ix) alsulken drie/ mudden core(n)s lijftochten staen(de) ten live va(n) ka(tlij)[ne(n)] [vacat]/ voir welke lijftocht de voirs(creven) jacop maricke geleyt was totten/ goeden henr(ix) wilen del haye Ter ande(r) zijden sal de voirs(creven) henri/ del haye met jouffr(ouwe) katlijne(n) zijnder moeder quijt/ sceldinge en(de) quitan(tie) b doen voir scepen(en) van loeven(e) tusschen/ dit en(de) advi(n)cula petri naestcomen(de) dat de voirs(creven) jacop/ maricke zijn oir en(de) erfgenamen peyslijc en(de) vredelijc behoude(n)/ en(de) besitten sal oft selen alle alsulke goeden het zij gronden/ va(n) erven chijsen rinten oft erf pachten als de selve jacop/ maricke als nu besitten(de) es als mo(m)boir va(n) jouffr(ouwe) ka(tlij)[ne(n)] de dyon/ zijnder weerdy(n)nen d(aer)af zij lange(n) tijt in gedinge te diversen/ plaetsen geweest hebben comen(de) vand(er) zijden mathijs ha(n)narts/ oude vader des voirs(creven) henr(ix) del haye En(de) oft de voirs(creven) jacop/ maricke voirde(r) quitan(cie) begheert voir meye(r) en(de) scepen(en) dair die/ goede onder gelegen zijn dat sal altijt tsijnder manissen de/ voirs(creven) henr(ic) del haye met zijnder moeder doen op cost en(de) last/ des voirs(creven) jacops maricke It(em) als vand(en) costen geschiet bijden/ p(ar)tien voirs(creven) es der segge(re)n uutsprake dat de voirs(creven) henr(ic)/ del haye co(n)tente(re)n en(de) betalen sal den meye(r) en(de) scepen(en) va(n) roux/ miroir va(n) allen alsulken costen als de voirs(creven) meye(r) oft scepen(en) den/ voirs(creven) jacoppe souden moegen eysschen uut saken vand(en) gedinge/ dat zij aldair tegen malcande(re)n moegen gehadt hebben alsoe in/ tijts dat de voirs(creven) jacop maricke dair bij gheen schade en lijde/ En(de) de voirs(creven) jacop maricke sal betalen en(de) contente(re)n den vorste(r)/ va(n) rouxmiroir en(de) oic de costen die de getuygen te roux/ miroir voirs(creven) gedaen hebben om der saken wille voirs(creven) die/ sal de voirs(creven) jacop maricke alle dragen en(de) betalen alsoe/ in tijts oic dat de voirs(creven) henr(ic) dair bij gheen schade en lijde/ It(em) es noch voirt der segge(re)n uutsprake dat alle ande(re)/ / costen en(de) lasten die de voirs(creven) p(ar)tien e(n)nighssins gedaen oft/ geleden moegen hebben tot desen dage toe in wat manie(re)n/ dat zij d(air)af sal een yegelijc de zijne draghen en(de) betalen/ sonder deen den ande(re)n dair(af) voirt te vexe(re)n oft te quellen/ in e(n)niger manie(re)n cor(am) roela(n)ts tants julii p(rim)[a]