Vand(er) questien wesen(de) voir den raide vand(er) stadt tusschen/ ja(n)ne va(n) raveschote ter eender en(de) henr(icke) vand(er) stappen/ barbier ter ande(re) aldair de selve jan va(n) raveschote v(er)socht/ dat hem de voirs(creven) henr(ic) costeloes restitueerde zijn pande/ die hij hem hadde doen afpanden voir huyshue(r) va(n) (½) jae(r)/ gevallen s(in)[t] jansmisse lestleden want die pendi(n)ge soe hij/ seyde tonrechte was geschiet gemerct dat voe(r) den selve(n) s(in)[t]/ jansmisse de selve henr(ic) hem sculdich was va(n) pijne en(de)/ arbeyde iiii croone(n) te xxiiii stuv(er)s tstuck d(air)af seke(re) t(er)mi(n)acie/ tusschen hen wae(re)n gegeven welke iiii croone(n) va(n) pijne en(de)/ arbeyde hij hadde laten staen tegen de selve huyshue(r) en(de) alsoe/ was die pendinge tonrechte geschiet dair tegen de voirs(creven) henr(ic)/ replice(re)nde seyde dat tegen die iiii croone(n) de voirs(creven) jan he(m) sculdich/ was vijf rinsschegulden(en) va(n) eene(n) bedde dat hij tegen he(m) oft zijn/ weerdy(n)ne hadde gecocht des was ii(½) jair leden en(de) alsoe was/ die pendinge tenrechte Es get(er)mineert dat de voirs(creven) henr(ic)/ metter pendingen en(de) execucien van dien sal moegen voirtvaren
//
en(de) aengaen(de) den vier croone(n) va(n) pijne en(de) arbeyde die jan/ eyscht ter eender en(de) den vijf r(insche) guld(en) vand(en) bedde ter ande(re)/ dair op blijft elc tegen ande(re)n op zijn beloep va(n) rechte in (con)s(ili)[o]/ opidi no(vem)[br(is)] v