Want jan vander beken als geleyt nae deser stadt recht/ voir zijn wettich gebreck uut crachte van scepen(en) brieve(n) van/ loeven(e) tot allen den goeden beyde have en(de) erve anthonijs/ wilen va(n) quaderebbe wair die belegen zijn hem met brieve(n)/ van des(er) stad gescreve(n) aen den scoutheyt va(n) he(re)ntals oft zijne(n)
//
stedehoude(r) te he(re)nthout alle de selve goede heeft doen/ leve(re)n en(de) ja(n)ne va(n) quaderebbe brueder des voirs(creven) anthonijs/ wilen va(n) quaderebbe roelken en(de) zijnder suster natuerliken/ kinde(re)n desselfs wilen anthonijs oft hue(re)n mo(m)boe(re)n dach/ va(n) rechte alhier te co(m)pare(re)n oft zij tegen de voirs(creven) leveri(n)ge/ yet hadden willen allige(re)n oft de voirs(creven) scepen(en) brieve impugne(re)n/ heeft doen bescheyden tot welken daghe de voirs(creven) p(er)sonen/ noch nyema(n)t va(n) hue(re)n wegen geco(m)pareert en zijn den voirs(creven)/ geleydden altijt co(m)pare(re)nde en(de) trecht voirt v(er)sueken(en) soe v(er)re/ dat scepen(en) va(n) loeven(e) ter manissen smeyers nae dat hen/ behoirlijc heeft gebleken bij rapporte pauwels bierman/ des(er) stadt bode de voirs(creven) leveri(n)ge en(de) dachbescheydinge/ geschiet te zijne gewesen hebben voir een vo(n)nisse datmen/ den voirs(creven) geleydden vand(en) voirs(creven) goeden houden soude inde/ macht va(n) zijne(n) voirs(creven) beleyde en(de) leveri(n)gen voirs(creven) alsoe v(er)re/ alst noch voir scepen(en) comen es in sca(m)pno no(vem)[br(is)] vii