It(em) gordt welkers sone wilen diericx in p(rese)ncia heeft genome(n)/ en(de) bekindt genomen te hebben(e) van henricke van vlaende(re)n als/ p(ro)cur(eur) arnts van stakenborch thoff desselfs arnts metten wynnen(de)/ landen en(de) den toebehoirten soe verre de voirs(creven) wilen jan crabbe en(de)/ henrick uuter helicht die voirmaels gehouden hebben en(de) henr(ick) / crabbe sone des voirs(creven) wilen jans tot noch toe gehouden heeft/ En(de) voirt alle de beemde en(de) boegarden desselfs arnts aldair/ onder desselfs arnts hoff gelegen neven een dair niet dan/ grechten tusschen beyde en gaen En(de) insgelijcx eene(n) beemt houden(de)/ een boender soe hij dair oic aen de selve beemde es gelegen/ houden(de) de selve beemde sonder den boegart omtrint iiii(½) boende(re)n/ Te houden te hebben te wynnen te gebruyken eene(n) t(er)mijn/ van sesse ja(r)en lang deen nae dande(r) sonder middel v(er)volgen(de)/ behalven dat zij deen vanden ande(re)n selen moegen scheyden/ te drie ja(r)en en(de) de ghene die alsoe scheyden wilt sal den/ ande(re)n dat sculdich zijn een jair te vo(r)en moeten cu(n)digen Elx/ jairs dae(re)nbynnen tvoirs(creven) hoff mette(n) boegarde en(de) wynnen(de)/ landen om en(de) voe(r) xxii mudden rocx goet en(de) payabel met wa(n)ne/ en(de) vede(re)n wel bereit der maten va(n) loeven(e) alle ja(r)e s(in)[t] andries/ misse te betalen(e) en(de) te loeven(e) en(de) te leve(re)n en(de) de voirs(creven) beempde/ jairlix den voirs(creven) t(er)mijn due(re)nde om en(de) voe(r) achthien peters te xviii/ stuv(er)s tstuck jairlix s(in)[te] m(er)tensmisse vallen(de) en(de) ombegrepen/ te halfmeye vol betaelt te zijne den voirs(creven) t(er)mijn due(re)nde quol(ibet)/ ass(ecutu)[m] It(em) is vorweerde dat de voirs(creven) arnt en(de) wynne alle dooft/ opde voirs(creven) goede jairlix wesen(de) half en(de) half hebben en(de) als tselve/ ooft tijtveerdich zijn sal selen zij dat te geliken coste ter eerden/ doen leve(re)n en(de) de voirs(creven) wynne sal dat den voirs(creven) arnde te loeven(e)/ moeten leve(re)n met vorweerden dat de voirs(creven) wynne zijnen/ voirs(creven) t(er)mijn due(re)nde tsijne(n) laste moeten houden vegen ruymen/ en(de) ryolen alle grechten straten weghen en(de) waterleyden aen oft/ om de voirs(creven) goede liggen(de) soe v(er)re de voirs(creven) arnt dair inne/ gehouden soude moegen zijn en(de) die grechten laten soe hij die/ bevi(n)den sal It(em) sal de voirs(creven) wynne jairlijcx int voirs(creven) hoff moete(n)/ leve(re)n iii[c] walme(re)n stroes goet en(de) custbaer om die opde huysi(n)ge/ te verdecken en(de) alsmen die verdect sal de wynne den werclieden/ den montcost gheven en(de) arnt sal de dachue(re)n betalen It(em) sal/ de voirs(creven) wynne de huysinge vanden voirs(creven) hove houden/ wel en(de) loflijc op zijne(n) cost vander underster rijkelen nederw(er)t/ It(em) sal de voirs(creven) wynne de voirs(creven) wynnen(de) lande zijnen t(er)mijn
//
due(re)nde wynnen werven en(de) mesten wel en(de) loflijc gelijck/ reengenooten boven en(de) beneden en(de) die laten tsijne(n) afscheyden/ soe hij die bevi(n)den sal Te weten(e) den wynterart houden(de)/ omtrint neghen boende(re)n loflijc gemest en(de) besayt op vier getidege/ voren soe v(er)re allet mest en(de) stroe vanden selven goeden gecomen/ dat sal co(n)nen gestrecken den somerart eens o(m)me gedaen op/ een vo(r)e en(de) de brake oic op een vore eens o(m)me gedaen te weten(e)/ twee boender d(air)af gemest It(em) sal de voirs(creven) wynne jairlijcx/ den voirs(creven) arnde moeten leve(re)n van outheverle oft alsoe verre/ op des voirs(creven) arnts wijngarde te loeven(e) en(de) dair omtrint ii[m]/ wijngaert staken dair den selve(n) wy(n)ne de voirscr(even) staken/ bijden voirscr(even) arnde bewesen sullen worde(n) ende insgelix/ arnts wijn vanden wijng(ar)de te loven(e) en(de) zijn cuype(n) van/ loven(e) opden wijng(ar)t leve(re)n oft voir dit leve(re)n vande(n) wijne/ en(de) cuype(n) va(n) loven(e) opde(n) wij(n)g(ar)t jairlijx twee dage(n) met/ zijne(n) wage(n) ende peerde(n) carweyden dwelck arnde best/ gelieft des sal de wy(n)ne soe wa(n)neer hij carweyt ooft/ staken wijn oft cuypen gelijck voe(r) levert den mo(n)tcost/ hebbe(n) It(em) es vorweerde dat de voirscr(even) wy(n)ne egheene/ vanden landen voirscr(even) en sal moege(n) hoervruchte(n) ten leste(n) ja(r)e/ vanden voirscr(even) t(er)mijne Item es vorw(er)de dat de voirscreve(n)/ wy(n)ne den voirs(creven) arnde jairlix den voirscr(even) t(er)mij(n) due(re)nde/ noch leve(re)n sal op arnts wijng(ar)t gelege(n) bij loven(e) op stup(er)s/ een duysent stake(n) op desselfs wy(n)ne(n) last Item es vorw(er)de/ oft bynne(n) den voirscr(even) t(er)mijne de wy(n)ne voirs(creven) e(n)nige schade/ hadde oft lede aende voirs(creven) goede va(n) tempeeste hagelsage/ oft gemeyne(n) orloge dat de voirscr(even) arnt he(m) d(air)aff afslach/ doen sal gelijck ande(re) meeste(re)n bove(n) en(de) beneden hue(re)n wy(n)nen/ va(n) gelijcken doe(n) selve(n) Item es vorw(er)de ende heeft geloeft/ de voirscr(even) arnts goede en(de) lande aen en(de) omtrint den voirs(creven)/ goeden gelegen alsoe wel ande(r) goede als de ghene die/ hij gelijck voe(r) in pechtinge(n) heeft va(n) schade(n) die opde selve/ gedaen mochten worden van beesten oft anders en(de) die voirtbri(n)g(en)/ aenden offic(ie)r oft prete(r) vand(er) plaetse(n) d(air) de goede geleghen
//
zijn Item sal de voirscr(even) wy(n)ne tsijne(n) prouffite jairlix hebbe(n) en(de)/ moegen nemen alle trunchout van eycken willigen en(de) ande(re)/ aen op oft om de voirscr(even) goede staende tot lueke ende/ zijnder berringen behoeff uuytgenome(n) vand(en) willige(n) staen(de)/ opden ham des sal hij ongehouden zijn de gaecht aenden/ selve(n) ham gelegen te moeten vegen ruyme(n) oft houden/ Ende alle dese vorw(er)d(en) inde sunt fideiusso(r)es t(am)q(uam) p(ri)n(cipa)[les]/ debitores joh(ann)es vander eycken sc(ri)nifex (com)mor(ans) lovanii joh(annes)/ de greve f(ilius) quond(am) joh(annis) (com)mor(ans) apud cortbeke ov(er)dijle/ et joh(ann)es goedeweert gener d(i)c(t)i coloni (com)mor(ans) ap(u)[d] berthem/ Et p(ri)m(us) cor(am) roel(ants) hoeve(n) decembr(is) xiiii