Nae dien dat op heden bijden raide vander stadt h(er) gheert/ van duer prieste(r) der selver stadt en(de) raide te ky(n)nen heeft/ gegeven hoe dat bij v(er)suempten hij verloren hadde eenen/ scepen(en) brief spreken(de) van drie r(insche) g(ulden) lijfpen(sien) staen(de) op seke(r) live/ d(air)van hij theffen hadde aen hee(re)n bertelmeeuse crom prieste(r) vander/daet xiiii[c] woenen(de) tsh(er)togenbossche en(de) zijn medeplege(re)n vander/ daet xiiii[c] lxxiiii decembr(is) die xix den welken hij begheerde/ gereformeert te hebben(e) uuten p(ro)thocolle vander stadt staen(de)/ op dese came(r) geven(de) oic te ky(n)nen hoe dat de selve h(er) bertelmeeus/ de selve rinte corts overleden in p(rese)ncien va(n) meeste(re)n ja(n)ne wynckel/ als notar(is) genoech bekint hadde en(de) seke(re) achterstellen der selver/ rinten dair van gevallen gelooft te betalen(e) dwelc hij p(rese)nteerde te/ doen blijken bijden selven meeste(re)n ja(n)ne met meer woirden bijden selve(n)/ hee(re)n ja(n)ne aldair geschiet geseyt hoe dat hij dit begheerde sonder/ e(n)nige fraude oft ergelist en(de) dair van vand(en) p(ri)ncipalen noch o(m)betaelt/ was dair op den selven hee(re)n gheerde van duer voirs(creven) nae dien dat/ de stadt huer d(air)op besproken hadde Es get(er)mineert en(de) uutgesproken/ dat in alsoe v(er)re de voirs(creven) h(er) gheert op zijn borst als priester/ name dat hij van desen brieve ombetaelt vand(en) p(ri)ncipalen/ wa(r)e en(de) niet afgequeten en wa(r)e mair bij v(er)suempten verloren/ hadde sonder argelist en(de) dede blijken tghene des onder meeste(r)en
//
ja(n)ne wynckele stont oft bekint wa(r)e inder maten voirs(creven) den/ selve(n) brief soude werden wedero(m)me gegrosseert en(de) bliven alh(ier)/ onder de wet om den selven hee(re)n gheerde altijt behulp d(air)mede/ te doen(e) en(de) den ghenen die dair inne gericht soude moegen/ wesen soe dat nae recht behoirt Act(um) aug(usti) penult(ima)