It(em) henrick tielmans al(ia)s vanden bruele in p(rese)ntia heeft/ genome(n) en(de) bekint genome(n) te hebben(e) van h(er) willem(me)/ roussel p(er)soen van kiesekem thuys en(de) hoff mett(en) toebehoirte(n)/ geh(eeten) thoff van molenbeke toebeho(r)ende den selve(n) h(er) willem(me)/ sijne(n) leefdage lanck te houden te hebben en(de) te wynnen/ van halfm(er)te lestleden eenen t(er)mijn van xii ja(r)en lanck/ deen nae dande(r) sond(er) middel vervolgen(de) elcx jairs d(air)en/ bynne(n) om en(de) voe(r) xiii mudden harts corens en(de) twee/ mudden t(ar)wen thienscher maten elcx greyns goet en(de)/ payabels der cu(m) va(n)no et pe(n)na jairlijcx s(in)[te] andriesmisse/ apostels vallen(de) en(de) te betalen(e) en(de) den voirs(creven) p(er)soen te loeven(e)/ te diest te thiene(n) oft tarschot dairt den selve(n) p(er)soen best/ gelieve(n) sal te leve(re)n quol(ibet) ass(ecutu)[m] It(em) noch om en(de) voe(r)/ x mudden thiensch(er) even(en) lovenscher mate(n) in e(n)nige(n) vande(n)/ voirs(creven) steden d(air)t he(m) bijde(n) voirs(creven) p(er)soen bewesen sal wordde(n)/ m(ijn) he(re) va(n) chantrain jairlijcx te leve(re)n en(de) oic om ende/ voe(r) vijf mudden even(en) thiensch(er) mate(n) jairlijcx den voirs(creven)/ p(er)soen in e(n)nige(n) vanden selve(n) steden dairt he(m) gelieve(n)/ sal te leve(re)n en(de) te betalen(e) quol(ibe)t ass(ecutu)[m] met conditien/ en(de) vorweerden dat de voirs(creven) wynne sculdich sal sijn de/ landen toebeho(r)ende den voirs(creven) hove wel en(de) loflijck/ te wynnen te werven ende te besaeyen gelijck reenge/ nooten boven ende beneden It(em) sal de wynne sijnen/ t(er)mijn due(re)nde sculdich sijn de huysen wel en(de) loflijck/ te houden sijne(n) coste en(de) laste in goed(er) rep(ar)atien van wande/ ende dake en(de) jairlijcx verdecken opde selve huysi(n)ge/ drie hondert walme(re)n Item es vorweerde dat de wynne/ jairlijcx de voirs(creven) goede lossen sal van allen den chijse en(de)/ pachten [d(air)uyt gaen(de)] en(de) die soe in tijts betalen dat den voirs(creven) p(er)soen/ dair aff gheen schade en come It(em) de wynne sal de/ bosschen sculdich sijn jairlijcx te bevreden buyten ende/ bynne(n) en(de) die doen opgrechten en(de) bescudden van/ allen beesten ende de wynne en sal sijn beesten niet/ moegen laten weyden opde voirs(creven) bosschen sij en [s(ijn)] drie/ jair oude(r) Item de wynne sal sculdich sijn alle de lande/ beemde en(de) bosschen den selven huyse en(de) hove toebeho(r)ende/ ov(er) te geven in gesc(ri)fte met goed(er) specificatie(n) en(de) den/ reengenoote(n) en(de) dat bynne(n) drie ja(r)en naistcomende/ It(em) noch es conditie dat de voirs(creven) wynne bynnen
//
drie ja(r)en naistcomen(de) sculdich sal sijn op sijne(n) cost en(de) last/ te doen maken een dobble schouwe va(n) steene(n) inde coken(e)/ en(de) came(re)n dair die geconcipieert en(de) gefundeert es Item/ de wynne sal sculdich sijn oic bynne(n) drie ja(r)en naistcomen(de)/ den mesthoff vanden voirs(creven) huyse en(de) hove te vullen oft/ te doen vullen met eerden tot aenden borneputte ald(air)/ Item es vorweerde oft e(n)nich nyen werck van houte/ aende voirscr(even) goede gebrake dat de voirs(creven) p(er)soen thout/ den wynne opt voirs(creven) goet bewijsen [sal] en(de) de wynne/ sal sculdich sijn tselve werck op sijne(n) last ende cost te/ doen maken des sal de wynne den afval vanden selve(n)/ houte te he(m)weert trecken It(em) de wynne en sal niet moege(n)/ dmest vanden mesthove vue(re)n op ande(r) landen dan/ opde landen den selve(n) huyse en(de) hove toebeho(r)ende/ It(em) hij sal sculdich sijn alle ja(r)e sijne(n) t(er)mijn due(re)nde/ den voirs(creven) p(er)sone te doene drie carweyden met sijne(n)/ wagen(en) ende peerden in e(n)nige(n) d(er) voirs(creven) steden oft/ e(n)nigen van dien dairt den selve(n) p(er)soen gelieve(n) sal It(em)/ oft gebuerde dat de wyn in e(n)nigen vanden ja(re)n van/ sijne(n) t(er)mijne den voirs(creven) pacht van xiii mudden harts corens/ en(de) twee mudden tarwen af cochte met gelde soe/ sal hij telcken soe dicwijle dat gebuert moeten doen/ totte(n) afcoope voir elcke vijf mudden een carweyde/ die maken soude(n) tsame(n) drie carweyden It(em) de wynne/ en sal de voirs(creven) goede nyemande anders va(n) sijnre hant/ moege(n) ov(er)geg overgeve(n) sonder consent des voirs(creven) p(er)soens/ oft sijnre nacomelingen It(em) de wynne sal sculdich sijn/ tsijne(n) afsceyden alle dmest en(de) stroo dat inden voirs(creven)/ mesthoff en(de) opde voirs(creven) goede alsdan wesen sal ald(air)/ sculdich sijn te laten ende de lande wel en(de) loflijck/ besaeyt gelijc reengenoote(n) boven en(de) beneden sonder/ yet met he(m) alsdan va(n)dien te drage(n) oft te vue(r)en/ oft oic e(n)nige actie oft recht d(air) inne te hebben It(em)/ de voirs(creven) wynne sal noch sculdich sijn jairlijcx sijne(n)/ t(er)mijn due(re)nde te graven oft doen graven een/ half boender lants Item oft mijn he(re) van chantrain/ geliefde te visite(re)n oft te doen visite(re)n tvoirs(creven) huys en(de)/ hoff soe sal de selve wyn eens sjaers sculdich sijn den/ selve(n) he(re) oft [en(de)] de sijne sculd(ich) sijn tontfange(n) op sijne(n)
//
last eenen dach en(de) eene(n) nacht It(em) de wynne sal sculdich/ sijn bynne(n) drie ja(r)en naistcomen(de) te setten(e) ende te vueden(e)/ xxx greffien ende die te leven(e) te houden It(em) de selve/ wyn sal sculdich sijn jairlijcx sijne(n) t(er)mijn due(re)nde de grechte(n)/ te veghen en(de) te ruimen op de strate(n) alsoe dat inden/ mesthoff ende beemde gheen wat(er) en blive staende en(de)/ dat den p(er)soen d(air)aff gheen scade en come It(em) oft den/ p(er)soen voirs(creven) geliefde te doen maken een dofhuys opde/ voirs(creven) goede soe sal de selve p(er)soen de twee deele d(air)aff/ dragen en(de) betalen en(de) de wynne tderdedeel ende/ dat gemaict sijnde soe sal de wynne moete(n) tselve/ dofhuys spijsen mair des sal hij dair voe(r) dmest hebben/ en(de) half de duyven ende de wynne sal hen den cost/ geven voir den afval It(em) de wyn sal hebben voir sijn / berri(n)ge alle stru(n)chout de vorlen en(de) de queckhagen It(em)/ voirts sal de wynne jairlijcx sijnen t(er)mijn due(re)nde hebbe(n)/ de mestwagen(e) ende zeyzenen die men den voirs(creven) huyse/ en(de) hove sculdich es en(de) den voirs(creven) hove jairlijx innecomen(de)/ sijn Ende alle dese vorweerden en(de) (con)dicien (et)c(etera) Inde/ sunt fideiussores [d(i)c(t)i henrici] t(am)q(uam) p(ri)ncipales debitores henricus de/ rademake(re) f(ilius) quonda(m) joh(ann)is (com)mor(ans) apud beckevoirt/ wil(he)lmus ruelens f(ilius) quonda(m) joh(ann)is (com)morans apud myskem/ et wil(he)lmus tielmans al(ias) vanden bruele f(ilius) quond(am) wil(he)l(m)i/ ac f(rate)r d(i)c(t)i henrici tyelmans (com)mor(ans) si(mi)l(ite)r apud beckevoirt/ Et p(ri)mus cor(am) pynnock oppendorp m(ar)tii xix