Allen (et)c(etera) dat lijsbeth van dyeste dochter wile(n) pet(er)s en(de)/ bartelmeeus van dyste huer brueder Ende hebben gekint en(de)/ gelijdt dat roelof schats cleermake(r) zone wile(n) jacops dien hij/ hadde van katlinen wilen van dieste zijne(n) wive suster als/ zij leefde der voirscr(even) lijsbetten en(de) bertel(meeus) Ende oick anne/ schats wettige weerdy(n)ne anth(onis) edelhe(re) en(de) wettige sust(er)/ des voirs(creven) roelofs van vad(er) en(de) moeder zijn gelijck hen/ gerecht erfgenaeme(n) van zeke(re)n goeden hen(rix) verstorven/ te dortrecht van ka(tli)[ne] wilen van diest diemen hiet rijckart/ huer(er) moeyen ende oude moeyen ende dat zij dair inne gelijc hen/ sculdich zijn gericht te wesen ende hebben voirts de selve/ lijsbeth met eene(n) momboir heur in rechte v(er)leent en(de) bartel(meeuse)/ huer brued(er) voirscr(even) tsame(n) en(de) bezundert geconstitueert volcome(n)/ macht procu(ra)cie ende auct(ori)teyt gegeve(n) den voirs(creven) roelofve en(de)/ / den voirscr(even) anthonise edelhee(re) zijne(n) zwager oft den eene(n) va(n)/ hen bringer sbriefs alle ende yegewelke goede voirg(eruert) ende/ voirt allet recht actie en(de) v(er)sterffenisse die hen toecome(n) ende/ v(er)schene(n) is vand(en) voirs(creven) goeden te vervolgen te verware(n) en(de)/ te bedingen voir alle gerichten bancken en(de) hove(n) beyde/ gheestelijck en(de) weerlijck dair dat va(n) noode sal wesen/ alle prouffijten opcomi(n)gen en(de) v(er)vallen d(er) selv(er) op te bue(re)n/ en(de) tontfangen d(aer)voe(r) te panden te dage(n) te beleyden raste(men)[te]/ te doen leggen en(de) al nae costume en(de) usaigen vand(en) plaets(en)/ dair dat gebue(re)n sal Geven(de) den voirs(creven) roelove en(de) anth(onise)/ oft den eene(n) van hen volcolme(n) macht alle de voirs(creven)/ goede int geheele oft oick in deele te moege(n) v(er)coope(n)/ v(er)thie(re)n bezware(n) en(de) te ypothece(re)n d(aer)af guedinge vestich(eit)/ en(de) opdrachte te doen(e) en(de) den coop(er)s d(aer)af vast te stellen/ nae den costume(n) en(de) gewoente(n) dair de goede geleg(en) zij(n)/ de pe(n)ni(n)gen d(aer)aff tontfangen(e) quiten(e) te geven(e) (et)c(etera) ende/ voirtane gen(er)alijck en de spe(ci)alijck (et)c(etera) p(ro)mitt(entes) rat(um) salvo/ iusto calculo cor(am) hoeve(n) burg(imagistr)[o] py(n)nock opp(endorp) oct(obris) iiii[ta]