Nae dien dat adam stadhoude(r) des schouth(eit) van kempelant/ gecompareert inde banck voir meye(r) en(de) scepen(en) va(n) loven(e) exhibe(re)nde/ en(de) doende lesen eene c(er)tificacie van twee scepen(en) br(ieven) van oerle/ dair mede het bleke dat vanden brueke va(n) xvii ponde(n) die/ de voirscr(even) stadhoude(r) eyschte ja(n)ne boysen poirte(r) va(n) loven(e) en(de)/ hem d(aer)op p(rese)nteerde d(er) bank recht va(n) oirle te doe(n) en(de) de voirs(creven)/ jan geweyg(er)t hadde seggen(de) dat hij poirte(r) wae(re) te lov(en) ende/ ald(aer) rechts plegen woude ende dat alsoe de selve stadhoude(r)/ hem dach beteeken(de) alh(ier) te lov(en) te compare(re)n tot zijnd(er) moet(en) va(n)d(en)/ lesten dage junii lestled(en) vuer vijf weken d(aer)nae volg(ende) ende/ dat dien dach de voirs(creven) jan ae(n)nam en(de) geloefde te houde(n) en(de)/ dat voirt dien dach bij wille en(de) consente va(n) beyde de(n) p(ar)tie(n)/ verstelt en gecontinueert w(er)t tot op heden te weten(e) des/ sat(er)daichs post e(n)nigen gelijck dat al naerde(r) bleeck ind(er) selv(er)/ c(er)tificacien soe v(er)socht de voirscr(even) stadhoude(r) met zijne(n) gelev(er)den/ voirspreke wair de voirs(creven) poirte(r) niet en quame dat hij t(er)/ bancken recht dair dat begonne(n) was en(de) d(aer)aff de voirscr(even)/ poirte(r) hadde gedeclineert versonden worden hopende dat dat/ alsoe behoirde hem des gedragen(e) totte(n) rechte wair op scepen(en)/ gemaent vo(n)nislijck gwijst hebbe(n) wair de poirte(r) niet en/ compareerde ten opstane smeyers en(de) d(er) schepen(en) dat de voirs(creven) / stadhoude(r) sijn recht voirt vorde(re)n soude moege(n) in des voirs(creven) steet/ t(er) plaetse(n) dair hijt bego(n)nen hadde act(um) in scampno cor(am) om(n)ib(us)/ scabinis dempto roelants octobr(is) iiii[ta]