Cont zij allen lieden dat alsoe bynne(n) zeke(re)n tijden ov(er)leden nae/ doode wijlen jans oemens en(de) katlijne(n) vand(er) beeken mans en(de) wijfs/ tusschen de erfgename(n) der voirscr(even) wijlen jans oemens t(er) eender zijd(e)/ en(de) die erfgename(n) d(er) voirscr(even) wijlen ka(tlij)[nen] vand(er) beek(en) t(er) ande(r) zijd(en)/ zeke(r) scheydinge(n) en(de) deylingen gesciet zijn vand(en) erflijcke(n) goeden/ pachte(n) chijsen en(de) rente(n) achter die voirs(creven) ma(n)ne en(de) wive acht(er) gelate(n)/ d(aer)inne onder den ande(re)n bevorw(er)t es geweest off e(n)nige vanden/ voirs(creven) p(ar)tien e(n)nige goede haer te deele gevalle(n) afgewo(n)ne(n) word(en)/ off niet bevonden en conste geworde(n) dat de voirs(creven) p(ar)tien te/ beyde(n) zijden den last d(aer)aff gelijck soude(n) moete(n) drage(n) ende/ wantmen v(er)nempt dat jouffr(ouw) katlijne trabukiers met hue(re)n/ medep(ar)tien als erfgename(n) der voirscr(even) wijle(n) jan oeme(n)s ind(er) voirs(creven)/ deylingen aengeloedt soude zijn xiii zist(er) rox erfpachts die zij/ niet en weten te vinden(e) oft tot e(n)nige(n) possessien oft betaling(en)/ d(aer)aff te geraken(e) Ende d(aer)om versocht hebbe(n) aen de erfgename(n) d(er)/ voirscr(even) wijle(n) ka(tlij)[ne] vand(er) beke(n) dat zij de(n) last als vander/ helcht vand(en) voirs(creven) xiii ziste(re)n rox soude(n) wille(n) cuele(n) ende/ hulpe(n) drage(n) d(aer)toe h(er) adam p(ri)ester wille(m) en(de) robbrecht vand(er)/ beken gebroede(re)n dien toebehoirde de helcht vand(en) goeden/ acht(er) de voirscr(even) wijle(n) ka(tlij)[ne] vand(er) beken huer(e) zust(er) bleve(n)/ hen g(er)ne v(er)noghen woude(n) soe v(er)re het hue(re)n gedeele ae(n)ginge/ sond(er) in e(n)nige proces va(n) gedinge te comen(e) ende om alle/ coste(n) en(de) moeyte(n) te schouwen(e) soe heeft de voirs(creven) jouffr(ouw) ka(tlij)[ne]/ trabukiers gekint en(de) geleden dat die voirs(creven) robertus vand(er)/ beken inden name va(n) hem selve(n) en(de) vand(en) voirscr(even) h(er) ada(m)me/ en(de) willem(me) vand(er) beken zijne(n) bruedere(n) huer va(n) hue(re)n gedeelte/ d(er) voirscr(even) xiii ziste(re)n rox te weten(e) va(n) drie siste(re)n en(de) een vie(re)ndeel/ met gereeden pe(n)in(n)gen te vrede(n) gestelt en(de) die ae(n) huer wettelijc/ afgequijt heeft mette(n) v(er)loepe va(n) des d(aer)aff ombetaelt uutstae(n)/ mochte te weten(e) met xx r(inssche) gul(den) tstuck te xx st(uvers) die zij/ d(aer)aff bekent heeft ontfange(n) te hebben(e) ende heeft d(aer)om quijt gescr(even)/ den voirs(creven) robbrechte h(er) ada(m)me en(de) willem(me) vand(er) beken als/ / vand(er) afquitingen der voirscr(even) drie siste(re)n en(de) een vie(re)ndeel rox/ erfpachts ende vand(en) verlope en(de) des d(aer)aencleeft geloven(de)/ hen d(aer)aff ne(m)m(er)meer namaels meer te eyssche(n) inde(n) rechte(n) oft/ dair buyten en(de) tege(n) hue(re)n erfgename(n) los vry en(de) onbelast d(aer)af/ te houden(e) alle fraude en(de) argelist uuytgescheyd(en) Behoudelijc/ nochta(n)s in dese(n) oft de voirscr(even) jouffr(ouw) ka(tlij)[ne] trabukiers hue(re)/ medep(ar)tie(n) tot den voirs(creven) xiii ziste(re)n rox e(n)nichssins gerake(n)/ mochte(n) in al oft in deele dat den voirscr(even) erfgename(n)/ wijlen jan oeme(n)s ende katlijne(n) vand(er) beken mans en(de) wijfs/ gelijck nae hue(re) gelangde te bate(n) come(n) soude cor(am) opp(endorp)/ berge oct(obris) xxiiii