Opde drie rastemente(n) die willem nijs en(de) vra(n)ck ev(er)arts/ hebben doen doen op drie r(inssche) g(ulden) die jan vander hoeve(n)/ ende jan breema(n) cuyp(er)s sculdich zij(n) ja(n)ne va(n) kersvoert va(n)/ ghind dewelke(n) jan de putte(re) en(de) gielijs de vos vorst(er)s/ gecleert hebbe(n) gedaen te hebben(e) ten versueke des voirs(creven)/ willems en(de) vranx Es gewijst bij scepen(en) van loeven(e) t(er)/ manissen smeyers [nae] dat de voirsc(even) willem zij(n) schult bij eede/ gecleert heeft gedragen(de) xii st(uvers) zonder de coste(n) en(de) de voirs(creven)/ vrancke zijn schult bij eede gedragen(de) xxx st(uvers) van eender/ / camerhue(re)n ende drie wijn vaten elck van iii(½) amen ende/ noch een herinck vat zonder de costen inder saken gelope(n)/ dat den voirs(creven) twee p(er)sone(n) aende voirs(creven) pe(n)ni(n)gen hue(r)/ voirscr(even) sculden mette(n) coste(n) va(n) rechte inder sak(en) geloopen/ volgen sulle(n) p(rese)ntibus scabinis om(n)ibus dempt(is) pynnock/ roelants novembr(is) xx