Item henrick vander biest zone jans wonen(de) te humelghem in/ p(rese)ncia heeft genomen en(de) bekint genome(n) te hebbe(n) va(n) ja(n)ne/ vander me(re)n zone wijlen elegast vand(er) me(re)n sijn hoff mette(n)/ huyse(n) hove(n) wynnen(de) landen bempde(n) eeussele(n) weyde(n) en(de) allen/ ande(re)n den selve(n) hove toebehoiren(de) gelegen inde prochie/ va(n) humelghem uuytgenome(n) tsteyne(n) huys mett(er) grecht/ d(aer)om gaen(de) en(de) den g(r)[o]ten boeg(ar)t met oick den coestalle/ aende poirte en(de) den ouden coelhof aende(n) borre liggen(de) mette(n)/ hove huyse en(de) poirte(n) vand(en) hove d(aer)inne de voirs(creven) wy(n)ne/ gheen recht hebbe(n) en sal van welk(er) voirs(creven) wy(n)nend(e) lande/ de stucke(n) en(de) porcele(n) h(ier)nae volghe(n) In den yersten nege(n) dach(mael)/ en(de) xi roeden lants gelege(n) inde p(ro)chie va(n) humelghem op/ tvelt geheete(n) de me(re) in div(er)sen stucken Item xxv(½) dach(mael)/ lants in div(er)sen stucken opt hoge velt Item twee/ dach(mael) lants in eene(n) stucke op cauweghem velt welke/ voirs(creven) lande de voirs(creven) wy(n)nen laten sal ten uuytgane va(n)/ zijne(n) [t(er)mine] wel gewo(n)nen met zijne(n) drie tijdige(n) voe(re)n besayt met/ g(er)sten even(en) en(de) vitse(n) te weten(e) drie boende(re)n d(aer)aff met/ even(en) besayt en(de) iii dach(mael) met vitse(n) en(de) tsurplus met g(er)sten/ Item een dach(mael) lants op nosseghem velt Item xxxvi(½) dach(mael)/ lants in div(er)sen stucken opt dbosch velt Item (½) dach(mael) lants/ geleg(en) opt hockenzele velt Item iiii(½) dach(mael) lants op dwymoirt(er)/ velt in drie stuck(en) gelege(n) Welke lande de wy(n)ne brake/ laten sal tsijne(n) afsceyden(en) en(de) eens o(m)megedae(n) ende [de] vier/ boende(r) d(aer)aff op dbosch velt wel en(de) loflijck gemest It(em)/ drie dach(mael) lants gelege(n) op dijkervelt in eene(n) stucke inde/ p(ro)chie va(n) hockesele Item iii(½) dach(mael) lants opt ned(er)velt in/ drie stucken Item iii dach(mael) lants in eene(n) stucke opden/ cattenpoel gelege(n) Item xxix dach(mael)lants in div(er)sen stucke(n)/ opt g(roo)t velt acht(er) grauwels Welke voirs(creven) lande de voirs(creven)/ wy(n)ne tsijne(n) afsceyden(en) sal late(n) wel en(de) loflijck gewo(n)nen ende/ / bedreve(n) op zijne vier getidege vore(n) besayt met wynter/ coirne en(de) al gemest metten meste dwelck hij hebbe(n)/ sal inde messie en(de) alsoe wel de verste als de naeste/ te weten(e) de vier boende(r) d(aer)aff ten meeste(r) orbe(r) met t(er)we(n) / besayt en(de) tsurplus met rogghe Item heeft alnoch/ de voirscr(even) wy(n)ne genome(n) vand(en) voirs(creven) ja(n)ne vand(er) meren/ alle alsulke(n) wynnen(de) lande als de selve jan tande(re)n tijde(n)/ genome(n) heeft eene(n) zeke(re)n tijt va(n) jaire(n) tege(n) den rintm(eeste)r/ des godsh(uys) va(n) p(er)cke gelegen bynne(n) der p(ro)chien va(n) humelge(m)/ Te houde(n) en(de) te hebbe(n) en(de) te wy(n)ne(n) des voirs(creven) jans t(er)mijn/ uuyt en(de) niet voirde(r) welke lande de wy(n)ne laten sal/ gelijck jan vand(er) me(re)n die sculdich is te laten(e) en(de) gelijck/ de wy(n)ne die oick ae(n)veert heeft gelijck de voirs(creven) goede/ voe(r) gespecifiert hem genoech ald(aer) bewese(n) sijn Te houd(en)/ te hebbe(n) te wynnen(e) en(de) te besitten(e) va(n) half meye lestled(en)/ een(en) t(er)mijn van xii jae(re) deen nae dande(re) zonder middel v(er)volg(ende)/ elx jairs d(aer)enbynne(n) om en(de) voe(r) deen helcht van alle(n) den/ vruchte(n) die jairlijx h(ier)enbynne(n) opde voirs(creven) lande wassen/ sulle(n) welke jans helcht de voirs(creven) wynne sal moete(n) mayen/ picken binden en(de) afdoe(n) en(de) hem leve(re)n in zijne schuere/ int hof staen(de) tot des wynne(n) coste Behoudelijck dat de/ voirscr(even) jan vand(er) me(re)n sal sculdich [sij(n)] te doen(e) den wy(n)ne eene(n)/ voergange(r) oft bantslage(n) zond(er) meer ende de voirscr(even) b(em)pde/ weyde(n) en(de) eeussele(n) te houde(n) den voirs(creven) t(er)mij(n) due(re)nde jaerlix/ om en(de) xxiiii blauwe crone(n) te xl pl(a)c(ken) brab(ants) tstuck aut/ valor(em) altoes vallen(de) en(de) te betalen() tsinte m(er)tensmesse de(n)/ voirs(creven) ja(n)ne va(n)d(er) me(re)n It(em) es vorw(er)de dat de voirs(creven) wy(n)ne/ de voirscr(even) bempde(n) weyde(n) en(de) eeussele(n) en(de) oick de core(n)lande/ sal houden v(er)maect dairt behoeft [met sgheens dat hij ae(n) tgoet vind(en)] It(em) oft den voirscr(even)/ ja(n)ne geliefde e(n)nich graen te v(er)coopen(e) oft and(er)ssins gevuert/ te hebben(e) inde vry stede(n) va(n) loven(e) bruessele oft mechelen/ / dat in dien gevalle de wy(n)ne dat sculdich sal zijn te doen(e)/ alst den selve(n) ja(n)ne gelieve(n) sal Bij alsoe nochtan dat/ de selve jan sculdich sal te dragen(e) en(de) te betalen(e) alle/ onghelt en(de) telk(en) reyse(n) voe(r) de(n) wage(n) man geve(n) voe(r)/ zijne(n) mancost vi pl(a)c(ken) brabants uuytgescheyde(n) soe v(er)re/ jan selve woende in e(n)nige ande(re) plaetse dat jan hem/ den montcoste geve(n) sal en(de) d(aer)mede gestae(n) zond(er) meer/ Item is vorw(er)de dat de voirs(creven) [wi(n)ne] sculdich sal zij(n) te leve(re)n alle/ alsulke(n) grain als jan sculdich sal zij(n) jairlix den godsh(uys) va(n)/ p(er)cke int voirscr(even) godsh(uys) oft te loven(e) dairt hen gelieft/ ende in gevalle de voirscr(even) jan e(n)nich graen thuys slete/ oft v(er)cochte va(n) zijns selfs goeden oft oick vand(en) pachte/ va(n) p(er)cke dien verdingen(de) met g en(de) betalen(de) met ghelde/ soe es vorweerde dat de voirscr(even) wy(n)ne voir elke vijf/ mudde alsoe geslete(n) oft verdinct doe(n) sal den selve(n) ja(n)ne/ eene carweye met zijne(n) wagen(en) en(de) p(er)den en(de) des sal hij/ zijne(n) montcost hebbe(n) Item de voirscr(even) jan sal moege(n) houde(n)/ int voirscr(even) hoff gaen(de) pauwe capuyne [en(de)] hoende(re) alsoe vele/ alst hem gelieft zond(er) wed(er)segge(n) vand(en) wy(n)ne It(em) de/ wy(n)ne sal te hemw(er)t hebbe(n) de g(r)[o]te schue(r) en(de) jan de/ cleyne schue(r) om zijne helcht vand(en) vruchte(n) d(aer)inne te/ leggen(e) ende oft zij te cleyne viele soe sal jan hebbe(n) eene/ oeghe oft gebint inde g(r)[o]te schue(r) Item de voirs(creven) wy(n)ne sal/ jairlix zijne(n) t(er)mijn due(re)nde moete(n) wy(n)nen en(de) bedrive(n) omtrint/ xxx roeden lants gelege(n) inden wijng(ar)ts die de voirs(creven) jan te/ hemw(er)t behoudt en(de) die meste(n) en(de) besayen met jans grane/ zond(er) jans cost Item de wy(n)ne sal sculdich sijn jairlijx te/ leve(re)n va(n) ze den voirs(creven) ja(n)ne acht mandele(n) t(er)we(n) stroos voir/ zijn p(er)de en(de) thien wa(n)ne caefs Item soe v(er)re wae(re) dat de/ wy(n)ne lijsaet sayde soe sal de voirs(creven) jan vand(er) me(re)n deen helcht/ vand(en) zade d(aer)toe leve(re)n en(de) de helcht vand(en) vruchte(n) d(aer) aff trecken/ / Item waert dat e(n)nich volck van wapen(en) quame int voirscr(even)/ hof dat god v(er)hueden wille en(de) scade ald(aer) deden va(n) theri(n)g(en)/ laste van p(er)den oft and(erssins) dat d(aer)aff de wy(n)ne de twee/ derdendele dragen sal en(de) de voirs(creven) jan tderde derdendeel Item/ sal de voirscr(even) wy(n)ne sculdich sij(n) i te betalen(e) [jairlix] in afslage/ vand(en) voirs(creven) xxiiii blauwe cro(nen) zesse r(inssche) g(ulden) den huysarmen/ va(n) sinte goedelen en(de) vii r(inssche) g(ulden) van drie messen die jan/ doet doen tot humelghem alsoe in tijts dat jan d(aer)bij ghee(n)/ scade en hebbe Item de wy(n)ne sal moege(n) afhouwe(n) alle/ verdroechde boome en(de) voir elk(en) verdroechde(n) boom vand(en) selve(n)/ arde twee poote(n) sette(n) en(de) wel v(er)doirne(n) en(de) oick soe sal/ de wy(n)ne allet schaerhout opde eeussele staen(de) moege(n) afhouwe(n)/ ten behoirlijcken tijde behoudelijck dat hij int opgaen(de)/ hout en(de) oick [in] appelboeme nootboeme ift peirboome gheene(n)/ sacht hebbe(n) en sal om d(aer)aen te houwen(e) Item de voirs(creven)/ wy(n)ne sal oick alleene te hemw(er)ts behoude(n) zijne(n) t(er)mij(n) lanck/ due(re)nde den cleyne(n) boeg(ar)t acht(er) de schue(r) gelege(n) en(de) oick de(n)/ coelhoff acht(er) dwoenhuys vand(en) voirs(creven) hove met drie nootbome(n)/ ind(en) selve(n) hof tege(n) tvelt staen(de) en hij sal oick hebben houde(n)/ en(de) gebruycken dblock liggen(de) voe(r) de poirte vand(en) voirs(creven)/ hove opden chijs en(de) co(m)me(r) d(aer) die (daer)uuyt sculdich sijn te/ gane welk(en) chijs de wy(n)ne sculdich sal zij(n) te betalen(e) alsoe/ in tijts datt(er) jan gheen scade bij en hebbe zond(er) afslach/ van jans rinten Mair jan sal jairlijx hebbe(n) deen helcht vand(en)/ oefte dat opt voirs(creven) block wass(en) sal en(de) die sal de wy(n)ne/ moet(en) t(er) eerde(n) leve(re)n It(em) de voirscr(even) wy(n)ne sal leve(re)n zijne(n)/ meest(er) ttwee duys(en)t walms stroos om opde huyse vand(en) voirs(creven)/ hove te v(er)decken(e) jairlijx en(de) alsme(n) d(aer) dect soe sal wy(n)ne/ den montcost geve(n) en(de) jan de dachu(re)n en(de) jan sal dacroed(en)/ leve(re)n en(de) de wy(n)ne de theene en(de) deckers diene(n) oft doen/ diene(n) It(em) oft e(n)nig(er) walm ov(er)de vand(en) decken(en) int hoff en(de) jan/ elders doen decken woude soe sal de wy(n)ne oick den montcost/ / geve(n) en(de) jan de dachue(re)n betale(n) als voe(r) Item es vorw(er)de/ dat jan alle jaire hebbe(n) sal voir zijne coeye xl ma(n)dele(n)/ stroos soe v(er)re dat der huysv(r)[o](u)we(n) des voirs(creven) jans hue(r)/ coeye sette(n) woude in eene ande(re) plaetse dan bij des/ wynne(ns) coeye ald(aer) zij nu zij(n) welke xl mandele(n) stroos/ de wy(n)ne in dien gevalle sal sculdich sij(n) te leve(re)n en(de)/ and(er)s niet Item sal noch de wy(n)ne doen zijne(n) meest(er) jairlix/ vier carweyden met zijne(n) wagen(en) en(de) p(er)den op zijne(n) cost Item/ sal de wy(n)ne jairlijx zijne(n) meest(er) geve(n) naede(n) oochst twee/ gheve vercken(en) ten mi(n)sten elck out van 1(½) jae(r) dewelke/ jan kiese(n) sal uuyt des wy(n)nen hoope Item jan sal zijne(n) wy(n)ne/ geve(n) jaerlijx vier elle(n) levereye lakens gelijck zijne(n) ande(re)n/ dieners Item de wy(n)ne sal de huyse vand(en) hove houde(n) vand(en)/ und(er)ster rijkelen ned(er)wert van pleckerien en(de) des sal jan de/ latten en(de) nagelen leve(re)n Item oft jan int hoff woude yet/ doe(n) ty(m)me(re)n oft make(n) oft metse(n) soe sal jan [de wi(n)ne] in dien gevalle/ sculdich sij(n) ae(n) te hale(n) steene hout en(de) leem omtrint den/ hove Item es vorweerde oft de voirscr(even) jan e(n)nighe lande/ wynne(n) den t(er)mijne wed(er)om ae(n)name vand(en) godsh(uys) va(n) p(er)ke oft/ thienden dat alsdan de voirs(creven) wy(n)ne gehoude(n) sal zijn te/ betalen(e) den wijn va(n) leerse(n) oft and(er)s dien aengaen(de) Item es/ vorweerde dat de voirs(creven) jan sal moege(n) houde(n) oft hem gelieft/ twee oft drie virtien(den) gaen(de) bynne(n) den biva(n)ge vand(en) voirscr(even)/ hove tsijne troge Item es ondersproken dat de vors(creven) wy(n)ne/ gheene [steene] uuyte(n) cuyle(n) ald(aer) omtrint v oft eld(er)s om loen oft weldoe(n)/ vue(re)n en sal oft doe(n) vue(re)n met zijne(n) p(er)den hij en sal telker/ rysen v(er)bu(re)n eene corweyde te moet(en) doe(n) va(n) eene(n) dage den selve(n)/ ja(n)ne Item de voirs(creven) jan vand(er) me(re)n heeft henr(ick) heeft/ noch genome(n) de thiende va(n) humelghem met huer(er) toebehoirte(n)/ met alsulk(en) rechte als de vors(creven) jan vand(er) me(re)n d(aer)aen heeft en(de) niet voirdere die de selve jan vander me(re)n va(n) div(er)sen p(er)sonen/ / houden(e) is Die te houden(e) te hebben(e) en(de) te collige(re)n den t(er)mijn/ vand(en) selv(en) thienden due(re)nde alle jae(re) op alsulk(en) laste en(de) rechte/ als de voirs(creven) jan vand(er) me(re)n d(aer)aen heeft en(de) die te gelden(e)/ en(de) te betalen(e) jairlijx ten behoirlijcke(n) tijde den p(er)sone(n) dieme(n) die/ jairlijx sculdich is q(uo)l(ibet) ass(ecutu)[m] Met cond(ici)[en] oft den voirscr(even)/ ja(n)ne afgenome(n) worde de thiende voirg(eruert) en(de) datse zijne(n) wy(n)ne niet volge(n) en mochte soe is vorw(er)de dat jan d(aer)aff/ ongehoud(en) sal zij(n) Item is vorw(er)de dat de voirs(creven) wy(n)ne de/ thiende voirscr(even) houde(n) sal int hof vand(en) voirs(creven) ja(n)ne ende/ tsijne(n) afsceyde(n) d(aer) uuyt niet trecken Item sal de voirs(creven) wy(n)ne/ jairlix de thiende bringe(n) bynnen den voirs(creven) hove en(de) tstroo/ d(aer)aff comen(de) bynne(n) den selve(n) hoven slijten en(de) te meste te/ make(n) en(de) dat vue(re)n opde lande tslants meest(en) prouffijte/ Item es de wy(n)ne jairlijx gehoud(en) te vue(re)n uuyte(n) voirscr(even)/ hove xiiii voeder mest op den wijng(ar)t desselfs zijns meest(er)s/ en(de) de staken die hij totte(n) selve(n) wijng(ar)de behoeve(n) sal sal de/ wy(n)ne met zijne(n) wagen(en) en(de) p(er)den op dbosch dair de selve zijn/ meest(er) die coope(n) sal halen en(de) die opde(n) voirs(creven) wijng(ar)t leve(re)n/ en(de) den afval vand(en) voirscr(even) wijng(ar)de op zijne(n) cost thuys leve(re)n/ oft bringe(n) Item wa(n)neer den wijn gesneden sal word(en) dien/ sal de wy(n)ne hale(n) en(de) zijne(n) meester tot zijne(n) huyse leve(re)n/ en(de) de balghe(r) d(aer)aff co(m)men(de) t(er) perssen vue(re)n en(de) den wijn d(aer)aff/ come(nde) thuys h leve(re)n te(n) coste desselfs wy(n)nen It(em) den/ gevaetten wijn sal de voirs(creven) wy(n)ne gehoud(en) zij(n) te vue(re)n ter/ plaetse(n) dairt zijne(n) meest(er) gelieve(n) sal op twee mijle(n) nae/ o(m)megaens den voirs(creven) hove alsoe v(er)re als voe(r) des voirscr(even)/ meest(er)s drincken es Item de wy(n)ne en sal niet sculdich sij(n)/ op den wijng(ar)t des voirs(creven) zijns meest(er)s bynne(n) sijne(n) t(er)mijne e(n)nige/ / thiende wijn te hebben(e) oft te halen(e) oft crachte vanden/ voirscr(even) thienden die hij als voirs(creven) es van hem houdt/ Ende alle dese vorweerden gelieeften (et)c(etera) inde est fideiussor/ dicti coloni joh(ann)es vand(er) biest eius p(ate)r et p(ri)m(us) cor(am)/ nausnijde(re) tants decembr(is) p(ri)ma