Allen den ghene(n) (et)c(etera) doen cont dat h(er) lodewijck py(n)nock hee(r)/ tot velpe meye(r) te loven(e) ridde(r) als momboir va(n) m(ijn) gened(ichen) hee(re)n/ wege(n) d(aer)toe geco(m)mitteert vanden wettige(n) kinde(re)n he(re)n jans/ wile(n) uuyte(n) lyemi(n)gen he(r) tot wange ridders heeft geco(m)mittert/ en(de) geconstitueert en(de) mits desen co(m)miteert en(de) constitueert/ daneele va(n) ov(er)beke te wese(n) der voirs(creven) kinde(re)n meye(r) van/ hue(re)n goede(n) en(de) heerlich(eit) va(n) wespelair mette(n) toebehoirte(n) en(de)/ appendicien geven(de) he(m) volcome(n) macht deselve officie wel/ en(de) getrouwelijck te bediene(n) te exerce(re)n te v(er)ware(n) gelijck een/ goet getrouwe mey(er)e sculdich es te doen(e) en(de) zoe hij die bij/ tijden wijle(n) he(re)n jacops uuyte(n) lyemi(n)gen d(aer)nae jans zijns/ soens en(de) d(aer)nae des voirs(creven) he(re)n jans zijns oems bedient/ heeft en(de) sculdich was te bediene(n) onder behoirlijcke(n) eedt die/ hij d(aer)toe in hande(n) vand(en) voirs(creven) he(re)n lod(ewijcke) in ons(er) p(rese)ncien gedae(n)/ heeft heeft voirt de selve h(er) lod(ewijck) inde(n) name als voire/ volcome(n) macht en(de) auc(tori)teyt gegeve(n) den voirs(creven) meye(r) de/ opcomi(n)g(en) prouffite(n) v(er)valle(n) chijs(en) rinte(n) pachte(n) en(de) rechte(n) en(de)/ heerlich(eit) vand(en) voirscr(even) goede(n) en(de) des d(aer)aen cleeft wel en(de)/ getrouwelijck te v(er)ware(n) te mane(n) teyssche(n) opteheffen te bue(re)n/ tontfange(n) d(aer)voe(r) te panden te dage(n) te beleyden rasteme(n)te te/ doen legge(n) die met rechte te v(er)volge(n) te bediene(n) te wy(n)nen te/ verliese(n) den sculd(er)s te quite(re)n en(de) volcome(n) quitan(cien) te geve(n) al/ ten meeste(n) orbe(re) en(de) prouffite d(er) selver kinde(re)n ende voirtane/ g(e)n(er)alijck en(de) spe(ci)alijck in al tgene des voirscr(even) steet en(de) in elck/ / bezundert ende in des dien aencleve(n) sal moege(n) te doe(n) en(de)/ te vorde(re)n het zij de scepen(en) te eeden genechte(n) va(n) rechte/ te houden de banck te besitte(n) de scepen(en) te mane(n) over/ goede(n) en(de) ontgoeden te stane en(de) voirt al and(er)s te doen(e)/ en(de) te vorde(re)n in dien des een getrouwe meye(r) rintmeest(er)/ en(de) p(ro)cur(eur) sculdich es en(de) behoirt te doen(e) zond(er) de kinde(re) te/ onterve(n) promitt(entes) rat(um) salvo iusto calculo due(re)nde dese/ constitucie en(de) procu(r)acie quoad (r)evocac(i)o(n)em cor(am) hoeve(n) burg(imagistr)[o]/ opp(endorp) tants decembr(is) xxii