Item de voirscr(even) joes voir hem en(de) zijnd(er) dochter heeft/ geloeft dat hij metter selver lijfpen(sien) niet en sal moeghen/ wercken noch om de jairlijcsche betalinge noch om bewijss(enissen)/ voe(r) aender tijt toe dat de voirs(creven) jan vander hoeve(n) vad(er)/ des voirs(creven) steve(n)s aflivich worden sal zijn en(de) niet eer/ het en ware dat de voirscr(even) steve(n) zijn gedeelte van/ zijne(n) goeden dat hem van zijne(n) vader versterve(n) soude/ hie(re)nbynne(n) woude v(er)coope(n) oft v(er)thie(re)n en(de) de vader die/ d(air)inne zijn tocht noch heeft zijn consent drage(n) woude/ soe soude de voirs(creven) joes metter selver lijfpen(sien) moeghe(n)/ voirt vare(n) Ende des hebben t(er) ande(r) zijden geloeft de/ voirs(creven) jan vander hoeve(n) de vad(er) en(de) claus vand(er) hoeve(n) zijn/ zone brueder des voirscr(even) steve(n)s indivisim dat zij/ / tgedeelte des voirs(creven) steve(n)s gheenssins en sulle(n) laten/ vercoope(n) v(er)thie(re)n oft belasten in gheender manie(re)n noch/ consent d(air)toe dragen om die te v(er)coope(n) te belaste(n) oft te/ v(er)thie(re)n zij en sullen tyerst de voirscr(even) lijfpen(sie) metten/ acht(er)stelle alsdan verloopen gecuelt en(de) vernuecht hebbe(n)/ Ende den voirs(creven) vader aflivich zijnde zoe sal de voirs(creven)/ joes ter stont op tgedeelte des voirs(creven) steve(n)s de/ voirs(creven) lijfpen(sie) moegen v(er)halen met allen acht(er)stelle die/ alsdan d(air)op verloope(n) sal zijn Hebben voirts geloeft/ de voirs(creven) vader en(de) zone(n) dat de voirscr(even) goede gheenssins/ belast en zijn met beleyden oft anderssins dan va(n) gro(n)tchise/ en(de) cleyne(n) chijse(n) dair uuytgaen(de) eisdem