Want joes de beckere p(ro)cur(eur) sgodsh(uis) p(er)ke als geleyt voir/ zijn wettich gebreck nae des(er) stat recht tot allen den goede(n)/ beyde have en(de) erve jans wilen mo(m)mairt wair die gelegen zijn/ hem oft gielise eveloge d(es) stat bode in zijne(n) name met brieven/ van des(er) stat gescr(even) aenden meye(r) va(n) campenhout oft zijnen/ stedehoud(er) te stertbeke alle de selve goede heeft doen leve(re)n/ ende dach van rechte doe(n) beteeken(e) d(er) weduwe(n) desselfs wilen/ jans hue(r) kinde(re) en(de) ande(re) hande aende voirs(creven) goede houden(de) oft/ zij tegen voirscr(even) leveringe yet hadden wille(n) allige(re)n Tot/ welken dage noch op heden als ten v(er)streken(en) dage deselve/ p(er)sone noch procur(eur) va(n) hue(re)n wegen gecompareert en is den/ voirscr(even) geleydden trecht voirt versueken(de) soe v(er)re dat scep(enen)/ van loven(e) t(er) manissen smeyers gewesen hebben voir een vo(n)nisse/ nae dat hen behoirlijck heeft gebleken bij r(e)sc(ri)pte des voirs(creven)/ stedehouders van stertbeke de voirscr(even) leveringe ende dach/ besceydinge geschiet te zijne Wair de wed(er)p(ar)tie vand(en)/ voirs(creven) geleyden niet en compareert voe(r) den opstane smeyers/ en(de) der scepen(en) datme(n) den voirs(creven) geleyden vand(en) voirs(creven) geleyd(en)/ goeden houden soude inde macht va(n) zijne(n) beleyde en(de) scep(enen) br(ieven)/ alsoe v(er)re het noch voir hen come(n) was in sca(m)p(n)[o] aug(usti) xxviii