Nae dien dat jan ysabeelen voe(r) den rade vander stat/ te meer stonden ontboden heeft gehadt woute(re)n va(n) cuyck/ geheete(n) va(n) hoochstraten om acht(er)volgen(de) zeke(re)n vo(n)niss(en)/ d(er) scepen(en) van loven(e) voirmaels tusschen hen gewesen/ van hem te hebben(e) zeke(re) rekeni(n)gen d(aer)aff de selve/ vo(n)niss(en) mencie maken oft betalinge va(n) zijnd(er) wettig(er)/ geve(r)ificeerder schult ind(er) selve(r) vo(n)nisse oick gecleert/ te voirde(r) want de selve wout(er) d(aer)toe langhe/ en(de) div(er)se dage hadde gehadt en(de) dat tot nochtoe/ gediffereert tot des voirs(creven) jans g(r)[o]ten laste ende/ schaden en(de) de voirs(creven) wout(er) d(aer) teg(en) opdede hoe hij/ ja(n)ne wijlen goederthuys die zij(n) besceyt d(aer)aff ond(er)hadde/ gesedt d(aer)mede hadde gelast en(de) want ten yerste(n)male/ desselfs goederthuys weerdynne vander haestig(er) sicheyt/ was aflichivich word(en) en(de) alsoe dat [nae] de ordinan(cien) vand(er)/ stat bynne(n) zesse weke(n) hij niet en hadde moege(n) co(n)v(er)se(re)n/ om met hem en(de) h(ere)n goederthuys nu selve oick alsoe/ aflivich is word(en) soe en hadt hem niet mogelijck/ geweest noch noch en wae(r) bereetscap van der/ selv(er) rekeni(n)g(en) te maken(e) come gem(er)ct dat zij(n) besceyt/ wae(r) bleve(n) onder de selve(n) wile(n) goederthuys Soe is/ uuyt(er)lijck bij den rade vander stat den selve(n) woute(re)n/ die niet and(er)s en socht dan uuytwege en(de) gheenen/ dach ae(n)neme(n) noch noeme(n) en woude(n) bynne(n) den welk(en)/ hij die rekeni(n)ge ov(er)geve(n) soude wille(n) Te voirde(r) oick/ want hij vele daichs d(aer)toe hadde gehadt en(de) wel ande(re)/ liede soude hebbe(n) gevonde(n) die hem die alsoe wel als/ de voirs(creven) goederthuys soude(n) hebbe(n) gemaect gelast en(de)/ uuytgesproken dat hij die selve rekeni(n)ge soude doe(n) mak(en)/ en(de) ov(er)geve(n) tussche(n) dit en(de) va(n) sond(aghe) naestcomen(de) ov(er) acht/ dagen opde pene va(n) d(aer)aff v(er)steke(n) te zijne in (con)s(ili)[o]/ pre(sen)tib(us) liefkenr(ode) sub(stitu)[to] hoeve(n) burg(imagistr)[o] ac alijs de (con)s(ilio) sept(embris) v[ta]