SAL7377, Act: V°33.1-V°34.1 (65 of 948)
Search Act
previous | next
Act V°33.1-V°34.1  
Act
Date: 1483-07-14

Transcription

2019-10-16 by arlette De Paepe
Nae dien dat h(er) jacop jamairt p(ri)este(r) en(de) jan steveneal/
van nethen(e) betogen hadden bijden rade vander stat joh(ann)ese/
vander eycken een d(er) executue(re)n vanden testame(n)te jouffr(ouwe)/
a(n)nen wijlen va(n) orsmale wed(uwe) laur(eis) wile(n) va(n) wynghe/
en(de) joh(ann)ese va(n) cav(er)chon inde stat va(n) meest(er) ja(n)ne lobbe/
oick executuer desselfs testame(n)ts versueken(de) van hen/
te hebbe(n) guedinge en(de) vestich(eyt) vand(en) coope(n) d(er) erfgoed(en)/
die elck heu(re)r bezundert voirmaels inde(n) leven(de) live der/
voirs(creven) jouffr(ouwe) tegen de selve joffr(ouwe) hadde(n) gedae(n) Te wete(n)/
de voirs(creven) h(er) jacop acht(er)volgen(de) eender cedulle(n) ald(aer) geexhibert/
vand(en) huyse en(de) hove mette(n) lande bempde(n) bosschen/
toebehoirte(n) en(de) onderpande(n) gelijck de meeste(re)n jan calaber/
en(de) bertel(meeus) kyp die uuytgedaicht hadde(n) voir xi mudd(en)/
rox gelijck d(er) selver meeste(re)n brieve me(n)cie maecte(n) dair/
mede zij de selve xi mudden heffen(de) ware(n) en(de) oick/
vanden onderpande va(n) janne va(n) schoenvorst va(n) zijne(n)/
ii(½) mudde(n) cor(en) erflijck inder vuege(n) dat h(er)jacop betale(n)/
soude alle(n) co(m)mer d(air)voe(r) uuytgaen(de) en(de) geve(n) d(er) voirs(creven)/
jouffr(ouwe) jairlijx uuyt den voirs(creven) goeden tsinte andr(ies)/
messe vier mudden rox en(de) dat hij tonderpande setten/
soude erve twee mudde(n) erfs corens weert zijnde te/
loven(e) te leve(re)n oft de voirs(creven) twee mudden afquiten/
met xl r(insche) gulden(e) te xx stuv(er)s tstuck bynne(n) drie/
jae(re)n oft den onderpant voirs(creven) sette(n) alsoe dese goede/
gelege(n) zijn te nethen(e) Ende de voirs(creven) jan steveneal/
vand(en) gelege met huyse hove boeg(ar)de schue(re)n wi(n)nen(de)/
landen en(de) den toebehoirte(n) wijle(n) jans steveneal zijns/
vader gelege(n) te nethen(e) d(air)op onder den ande(re)n die/
van schoenvorst hadde(n) een mudde en(de) x mol(evaten) corens/
erflijck opde(n) co(m)mer uuyte(n) selve(r) goeden gaen(de) en(de) voirt/
op ii halste(r) cor(en) erfspachts mate(n) va(n) loven(e) jairlijx/
sinte andr(ies)misse apostels te betale(n) en te loven(e) te/
leve(re)n te quite(n) t(er) gelieften vand(en) coepe(r) met vi r(insche) g(ulden)
//
te lx pl(a)c(ken) tstuck en(de) met volle(n) pachte hoepen(de) dat/
hen die vanden selve(n) executue(re)n gescieden soude(n) ende/
sculdich ware(n) te gescieden(e) Te voirde(r) want zij p(rese)nterd(en)/
t(er) ande(re) zijden te voldoen(e) des zij sculdich ware(n) uuyt sak(en)/
vander selver come(n)scap dair tegen de voirs(creven) joh(ann)es ende/
joh(ann)es antweerden(de) seyde(n) dat zij bijde selve come(n)scape(n) niet/
en ware(n) geweest noch d(air)aff luttel oft niet en wisten te/
spreken niet min de come(n)scap gecleirt en(de) geprueft zij(n)de/
den rechte genoech zijnde zij moeste(n) wel doen ende/
ware(n) bereet te doen(e) des trecht wijse(n) soude e(m)mer en/
meynde(n) zij hen in hue(re)n prope(re)n p(er)sone(n) nerge(re)ns inne te/
derve(n) verlone(n) Soe zijn beyde de voirscr(even) coepe(re)n d(air)op/
gewijst tot hue(re)n thoene ende ten dage d(air)toe dienen(de)/
thoende de voirs(creven) h(er)jacop met he(re)n anth(onise) van wairna(n)t/
p(ri)este(r) en(de) gielijse lambert de voirs(creven) zijne come(n)scap gelijck/
dat voe(r) genoech opgedae(n) es geseet te zijne mair tuychde(n)/
meer dat den onderpant des jonch(e)r(e)n va(n) gave(re) mede inde/
selve come(n)scap begrepe(n) was en(de) dat die come(n)scap niet voirde(r)/
en gesciedde dan zoe v(er)re d(er) jouffr(ouwe) recht va(n) alle(n) d(er) selve(r)/
goede(n) gedroech en(de) dat de jouffr(ouwe) te huerw(er)t behielt en(de)/
r(e)serveirde hue(r) recht vand(en) mudde en(de) xii mol(evaten) cor(ens) erflijck/
die mede vand(en) selve(n) onderpande(n) va(n) gave(re) zijn en(de) dat/
vorweerde was dat h(er) jacop de coop(er) die quijt houde(n) soude/
moete(n) vand(en) chijse en(de) even(en) des jonch(e)r(e)n va(n) gave(re) En(de)/
de voirs(creven) jan thoende mette(n) selve(n) he(re)n anth(onis) en(de) he(re)n janne/
flami(n)ge oick p(ri)este(r) zij(n) come(n)scap vand(en) voirs(creven) gelege met/
huyse(n) hoven boeg(ar)de schue(re)n (et)c(etera) gelijck hij dat voe(r) nairde(r)/
opgedae(n) hadde Alsoe al gesciet te zijne vand(en) selve(n) goede(n)/
zoe v(er)re d(er) jouffr(ouwe) recht in dien he(m) bestreeke ende niet/
voirde(r) es bijden rade vander stat uuytgeproke(n) ende/
get(er)mineert dat de voirscr(even) jannes vand(en) eycken als/
executeur en(de) jannes va(n) caverchon inde(n) name svoirs(creven) meest(er)/
jans lobbe oick executeur den voirscr(even) coepe(re)n guedinge
//
doen sulle(n) elken van zijne(n) coope zond(er) hen erge(re)ns/
te deve(n) v(er)lone(n) in hue(re)n prope(re)n p(er)sone(n) en(de) dat de coope(re)n/
t(er) ande(r) zijden de voirscr(even) executuers sulle(n) voldoe(n) nae/
dat de waerh(eit) gedrage(n) heeft in (con)s(ili)[o] p(rese)ntibus liefk(e)nr(ode)/
sub(stitu)[to] hoeve(n) burg(imagistris) et plu(r)ibus aliis julii xiiii
Contributorskristiaan magnus
Moderated bykristiaan magnus
Last update: 2016-11-22 by Xavier Delacourt