Item joes uuyter helcht zone wijle(n) lodewijx meester/ bartelmeeus kyp met jouffr(ouwen) margriete(n) uuyter helcht zij(n)der/ weerdynne(n) suster des voirs(creven) joes en(de) mychiel uuyt(er) helcht/ brueder des voirs(creven) joes en(de) jouffr(ouwen) m(ar)grieten voirs(creven) in/ p(rese)ncia hebben geloeft bevorw(er)t en(de) toegesegt gelove(n) bevorw(er)d(en)/ en(de) toesegge(n) mids desen jouffr(ouwen) m(ar)grieten mottijns al(ia)s/ heyberch weduwe lodewijx wijle(n) uuyt(er) helcht hue(re)r moed(er)/ dat zij der selv(er) hue(re)r moeder duerdach due(re)nde huer ne(m)m(er)meer/ stoot hinder oft letsel doen en sulle(n) inde bladinge ende/ tgebruyck der leengoeden vanden welk(en) zij den selve(n) hue(re)n/ kinde(re)n va(n) gracie(n) en(de) uuyt hue(re)r goedertie(re)nh(eit) heeft laten/ come(n) totte(n) opheffen en(de) ontfange(n) het zij bynne(n) den leven(e)/ desselfs wijlen lodewijx huers vad(er)s oft oick zed(er) zijn/ aflivich(eit) onder wat he(re)n die gelegen zij(n) bijde(n) selven/ gehuyssche(n) vercrege(n) oft va(n) hue(re)n ouders gecome(n) die de/ selve weduwe tot hue(re)r tocht hadde moete(n) ontfange(n) mair/ der selver wed(uwen) in goeder vredelijcker possessien late(n) gebruyk(en)/ hue(re)n duerdach alle en(de) yegewelke de selve leengoeden/ en(de) ande(re) zond(er) h(ier) tegen te doen(e) oft te doe(n) late(n) doe(n)/ van hue(re)n wege(n) in e(n)niger manie(re)n voir wat gerichte/ dat dat soude moegen zij(n) gheestelijck oft weerlijck mair/ hue(r) d(air)aff altijt tot hue(re)n maniss(en) voirde(r) vestich(eit) te doen(e)/ dair en(de) soe dat behoire(n) soude Ende oft oick gebuerde/ dat e(n)nige va(n) hue(re)n kinde(re)n voirs(creven) aflivich werde voir/ huer ende alsoe v(er)storve(n) op dande(r) kinde(re) oft den rechte(n)/ oiren vand(en) aflivigen dat zij oick in dien gevalle/ der selver weduwe(n) hue(r) gebruyck gelijck voirs(creven) steet/ late(n) sulle(n) der selv(en) leengoeden en(de) hue(re)r oire(n) en(de) erfgename(n)/ d(air)inne verbonden zij(n) gelijck hen selve(n) zonder die oick/ e(n)nichssins deselve leengoeden te moege(n) versette(n) v(er)coope(n)/ oft te v(er)binden d(er) selver weduwen duerdach due(re)nde
//
in e(n)niger manie(re)n ten ware bij hue(re)n consente ende/ wille cor(am) roelants hove marcii xx