Item ph(ilip)s van schoenhove(n) zone he(re)n ph(ilip)s van schoenhoven/ ridders in p(rese)ncia van scepen(en) van loven(e) h(ier)nae v(er)cleert heeft/ verhaelt hoe hij voirmaels des omtrint drie jair geleden/ zijn bij onderwijse en(de) inductien van zijne(n) voirs(creven) vader en(de)/ oick uuyt vreesen en(de) dreygeme(n)te vanden selve(r) zijne(n) vader/ van gevangen te worden aengegaen es een contract voir scep(enen)/ van loven(e) d(aer)mede hij zijns rechts actien en(de) v(er)sterffenissen/ in toecomen(de) tijden soe hij hem beducht berooft soude moege(n)/ worden ende want hij soe hij clairt alsnu noch gheen xxiiii/ jair out en is en(de) hij alsoe alsdoen bove(n) xxi jair niet/ out en was alse dat contract alsoe passeerde en(de) alsoe/ te jonck was soe hij meynt nae recht sijns rechts afte/ gane Soe protesteerde hij openbairlijck vand(er) nulliteyt/ desselfs contracts en(de) beg(er)de dat voir donthout va(n) scepen(en)/ die dair over ware(n) ge(re)gistreert te worden om hem in toecomen(de)/ tijden te dienen cor(am) opp(endorp) tants septembr(is) xvi