Item es den voirscr(even) brieff bekint te dier meyni(n)gen dat/ de voirs(creven) gilo hem t(er) stont sal moege(n) doen leyden tot/ / allen den goeden have en(de) erve des voirscr(even) pet(er)s metten/ selve(n) beleyde te hemw(er)t moege(n) trecken en(de) erflijck ae(n)v(er)d(en)/ ende houden als zijn proper op dat hem gelieft alle alsulke(n)/ haeflijcken en(de) erflijcke goede alse de voirscr(even) pet(er) tege(n)woir/ delijck heeft oft namelijck namaels v(er)crige(n) sal moege(n)/ tegen wien dat zij wair oft ond(er) wien die bevonden/ sullen worde(n) Te voirde(r) mits dien dat de selve goede zoe/ zee(r) beco(m)mert belast en(de) tacht(er) soe de voirs(creven) pet(er) dat/ bekinde ende verclaerde zijn dat de selve pet(er) wae(r) de/ voirscr(even) gielo die niet en aenveerde de selve d(aer)voe(r) soude/ laten liggen en(de) uuytwynne(n) ende oft die gelost zijnde/ vand(en) co(m)me(re)n en(de) wed(er) te passe gebracht bijde(r) voirs(creven) gielo/ oft hem gelieft en(de) hij d(aer)aen e(n)nige bate vint oft e(n)nich/ proeffijt soude moege(n) wete(n) te doen(e) soe stelt de voirs(creven)/ peter t(er) discrecien ende goeden wille vand(en) selve(n) gielo/ tgoetdoen en(de) den bijstant die de selve gielo hem ende/ zijnd(er) weerdynne(n) sal willen doe(n) van sustentacie(n) hue(re)r/ nootdorst oft and(er)ssins cor(am) eisdem