Vanden questien die geweest zijn voe(r) den rade vander stat/ vanden goeden ende versterffenissen die gebleve(n) en(de) v(er)storve(n)/ waren van janne wijlen dekens gareelmakers nae zij(n) w(er)dy(n)ne/ gestorve(n) zijnde en(de) voirt van zijne(n) kinde(re)n die corts nae/ zijn doir aflivich ware(n) geworde(n) tussche(n) m(ar)grieten deke(n)s/ wettige suster des voirscr(even) wile(n) jans lijsbetten van/ broechove(n) huer(er) dochter vanden voirbedde met reyne(re)n claes/ al(ia)s balmake(re) gecocht hebben(de) soe hij seyde tegen der selver/ moeder en(de) dochter hue(r) v(er)sterffenisse en(de) kintgedeelte van/ eene(n) huyse mette(n) toebehoirte(n) des voirs(creven) wile(n) jans geleg(en)/ in proeftstrate tusschen de goede henrix buys t(er) eender/ en(de) jans wile(n) va(n) doirne cousmakers t(er) ande(re) hen dragen(de) als/ een p(ar)tie en(de) katlijne(n) dekens oick suster des voirscr(even) wijle(n)/ jans dekens weduwe jans wile(n) arnts ende d(aer)nae weduwe/ jacops wile(n) knape met ja(n)ne arnts hue(re)n zone vanden/ voirbedde en(de) marie knape huer(er) dochter vanden naebedde/ hen dragen(de) als dand(er) p(ar)tie dair de voirscr(even) m(ar)griete/ metten voirscr(even) reyne(re)n ende voirscr(even) ka(tlij)[ne] hue(re) suster/ meynden dat die goede verstorve(n) vanden voirs(creven) wijlen/ janne dekens op hen als de naeste zijde en(de) leven(de) vande(n)/ selve(n) ja(n)ne ware(n) gesuccedeert en(de) niet op hue(re) kinde(re) niet/ die des een bet voirde(r) ware(n) ende de selve kinde(re) sustin(er)den/ de contrarie te voirde(r) want nae de doot des voirs(creven) jans/ huers oems zijn kinde(re) inden lancstenlevenen(de) [live] ware(n) gebleve(n)/ en(de) soe ware(n) die goede vand(en) kinde(re)n verstorve(n) en(de) niet va(n)d(en)/ vader en(de) want zij ware(n) suster kinde(re) en(de) tgoet niet acht(er)/ weert gae(n) en mochte vand(en) brueder kinde(re)n opde mage/ soe sustineerden zij dat zij dier goede nairde(r) ware(n) dan/ hue(r) moede(re)n en(de) e(m)mer sustineerden de voirscr(even) ka(tlij)[ne] en(de) hue(re)/ twee kinde(re) voir hen en(de) joseph knape oick der voirs(creven) ka(tlij)[ne(n)]/ zone vanden naebedde dat elck van hen drien sulken/ gedeelte en(de) successie inde v(er)sterffenisse vand(en) voirs(creven) goeden/ / ende allen ande(re)n die nae ende vanden voirs(creven) ja(n)ne dekens/ hue(re)n oem v(er)storve(n) waren onder tvo(n)nisse van loven(e) gelegen/ sculdich waren te hebben(e) als de voirscr(even) lijsbeth van broechove(n)/ hue(re) nichte en(de) moeyen dochter d(aer)inne sculdich wae(r) te trecke(n)/ der voirs(creven) m(ar)grieten dekens met lijsbetten huer(er) docht(er) ende/ den voirscr(even) reyne(re)n de contrarie sustine(re)nde te voirdere/ want nae de doot der voirscr(even) kinde(re)n des voirs(creven) jans dekens/ wile(n) de vercrege(n) goede tussche(n) hem en(de) zijn wijff twee/ zijden hebbe(n) moesten d(aer)aff deen helcht mette(n) geheele(n) goede(n)/ van zijnder zijden gecome(n) tot zijnder zijden en(de) naeste(n) leven(de)/ gaen moeste en(de) want d(aer) gheene nairde(r) leven(de) en ware(n)/ van hem dan zijn eygen suste(re)n die des een bet nairdere/ ware(n) dan zijnder sust(er) kinde(re)n soe tendeerden zij tot huer(er)/ conclusien de wed(er)p(ar)tie de contrarie houden(de) bijd(en) reden(en)/ voirscr(even) als dat jans kinde(re) hue(re)n vader hadden ov(er)leeft/ en(de) dat de goede alsoe van hen ware(n) verstorve(n) Es/ gecleert ende uuytgesproken voir recht dat de suste(re)n/ des voirscr(even) wijlen jans dekens naden lant rechte der/ voirscr(even) goede nairde(r) zijn dan hue(re) kinde(re) niet tegenstaen(de)/ dat des voirs(creven) jans kinde(re)n lang(er) leefden dan hij In co(n)s(ili)[o]/ opidi cor(am) liefkenrode sub(stitu)[to] hoeve(n) burg(imagistr)[o] et plu(r)ibus/ aliis de consilio novembr(is) xix