Uuyter clachte(n) die symon collay borduurw(er)ke(r) voir he(m) als momboir/ zijns wijfs en(de) jan va(n) borre inden name va(n) rolove va(n) b(er)them/ der voirs(creven) symoens zwager gedae(n) hebbe(n) voe(r) de(n) rade va(n)der/ stat alse dat de kinde(re) jans wile(n) goederthoys oft huere/ mo(m)boiren deden v(er)coope(n) zeke(r) haeflijcke en(de) beruerlijcke goede/ en(de) oick vlegen(de) erve d(aer) zij als naeste leven(de) va(n) m(ar)griete(n) wile(n)/ hofma(n)s zwegeri(n)ne in hue(re)n leven(en) des voirs(creven) symoe(n)s ende/ roelofs, te weten(e) huer(er) beyder werdynne(n) wettige sust(er) die nu/ lestwerf getrouwet hadde den voirscr(even) ja(n)ne wijlen goed(er)thoys/ meynden inne gericht te zijne versueken(de) d(aer)op provisie/ Es gelast ghijsbrechte va(n) holsbeke diene(r) vander stat/ te gane ten huyse en(de) plaetse(n) dair tvoirs(creven) v(er)coope(n) gesciet/ hen aldair bevelen(de) vander selver stat wege(n) dat zij cesse(re)n/ en(de) op houden va(n) meer te v(er)coopen tot dat p(ar)tien beslicht/ zijn metter mi(n)nen oft metten rechte ende dat zij beyde/ vanden v(er)cochten en(de) oick onvercochte(n) goede(n) voirscr(even) met/ goede(n) onderscheyde inve(n)tar(is) maecte(n) ende den voirscr(even)/ symone en(de) rolove d(aer)uuyt cop(en) om te diene(n) dair en(de)/ alsoe dat behoirt actu(m) in (con)s(ili)[o] nove(m)br(is) xxii