Van allen questien ende geschille(n) die over lange(n) tijden/ en(de) tot opden dach van heden uuytgestaen hebben tussche(n)/ he(re)n janne de grove p(ri)este(r) en(de) jacoppe v(er)noeyen inden/ name va(n) he(m) selve en(de) van wegen jans vande(n) ynde ende/ de kinde(re)n henr(ix) wile(n) sgrove(n) t(er) eend(er) en(de) jose wilts/ schoe(n)makere t(er) ande(r) zijden aengaen(de) zeke(re)n erfgoeden/ / gebleve(n) naede doot jans wile(n) lembrechts en(de) katlijnen/ sgroven zijnder huysvrouwen ende anders des d(aer)uuyt gespruyt/ is van costen oft anderssins hebben hen de selve p(ar)tien/ verbonde(n) en(de) gesubmitteert in seggers en(de) vriendelijcke yffeners/ te weten(de) de voirscr(even) yerste p(ar)tie in johan(ne) vasont ende/ de voirs(creven) joes wilts in henr(icke) hanckart seretar(is) d(er) stadt/ va(n) loven(en) met sulker condicien dat de voirs(creven) p(ar)tien en(de)/ elck van hen zijne(n) segg(er) informacie geve(n) sal met mo(n)de/ oft gescrifte ende dat gedae(n) zijnde sulle(n) de segg(er)s hue(r)/ uuytsprake d(aer)aff doe(n) bynne(n) acht dag(en) d(aer)nae promitt(entes) rat(um)/ cor(am) roelants berghe julii viii