Vanden gedinge gecome(n) voir meye(r) en(de) scepen(en) tussche(n) ja(n)ne/ cruyplant als procur(eur) pet(er)s va(n) grieken en(de) vranx ghielijs t(er)/ eender en(de) janne huyxken t(er) ande(re) zijden aldair de voirscr(even)/ p(ro)cur(eur) ageerde en(de) seyt hoe dat de voirs(creven) jan huyxkens besat/ alle de goede beyde have ende erve gecome(n) va(n) ja(n)ne/ wijlen huyxken des voirs(creven) jans vader en(de) zijnd(er) weerdy(n)nen/ zond(er) zijne(n) meeste(re)n voirs(creven) te late(n) volge(n) hue(r) kintsgedeelte inde/ selve goede va(n) huer(er) moede(re)n wege(n) hen v(er)storve(n) te wete(n) va(n)/ neese(n) en(de) oeden huyxkens gesuste(re)n die d(aer)inne alsoe wel gericht/ ware(n) als jan voirs(creven) want zij wettige kinde(re) tsame(n) ware(n)/ vand(en) selve(n) ja(n)ne huyxkens den oude(re) met meer woirde(n) bij/ he(n) geallig(er)t inde voirs(creven) materie om te comen(e) tot zijnder/ conclusien int principael aengaen(de) den kintsgedeelten d(er) voirs(creven)/ twee gesuste(re)n kinde(re)n Dairtege(n) de voirs(creven) jan schuttende/ de voirscr(even) aensp(ra)ke heeft doe(n) segge(n) hoe dat hij hoepte dat/ de p(ro)cur(eur)s voirs(creven) naeden lantrechte sculdich wae(r) te volgen(e)/ de sterffenisse d(aer)aff de p(ro)cur(eur) bove(n) me(n)cie maect aengaen(de) den/ voirs(creven) goeden t(er) plaetse(n) d(aer) die gelege(n) zij(n) en(de) vand(en) have(n) t(er)/ plaetse(n) vand(en) sterfhuyse te weten(e) tot sinte pet(er)s vissenak(en)/ versueken(de) alsoe de sake gere(n)voyeert te worden(e) hem des/ gedragen(de) totte(n) rechte d(aer)tegen de procur(eur) sustin(er)de de (contra)rie/ replice(re)nde seyde want met vo(n)nissen gewese(n) was dat/ de brieve uuyte(n) sterfhuyse gecome(n) bij den selve(n) ja(n)ne ae(n)veert/ alh(ier) onder de wet come(n) souden dat jan sculdich wae(r) alh(ier)/ soe vande(n) erflijcken goede(n) en(de) have(n) rechts te plegen(e)/ zond(er) e(n)nich re(n)voy d(aer)van e(n)nichssins te moege(n) gebueren/ / met meer woirde(n) in wed(er)sijden geallig(er)t luttel in rechte/ dienen(de) Es gewese(n) ter manissen smeyers bijden scepen(en) dat/ p(ar)tien alsoe v(er)re der erflich(eit) aengaet hue(r) recht volge(n)/ sulle(n) t(er) plaetse(n) dair die gelege(n) es en(de) als vand(en) haeflick(en)/ actien ende dies dien aencleve(n) mach sulle(n) p(ar)tien alhier/ hue(r) recht moege(n) volgen soe dat behoirt in sca(m)pno/ decembr(is) xx