item arnt bouzeal va(n) crenwijck wonen(de) te geldenake(n) die/ onlanx leden meye(r) en(de) rintmeest(er) gestelt en(de) gemaect is bij/ m(ijn) v(r)[o](u)we(n) der abdisse(n) va(n) v(r)[o](u)wenp(er)cke va(n) alle(n) hue(re)n heerlich(eiden)/ rinte(n) pachte(n) en(de) opcomi(n)ge(n) die zij en(de) tgodsh(uys) voirs(creven) hebbe(n)/ moege(n) inden dorpe(n) va(n) opgeldenake(n) dongelberge brocquyt/ berge en(de) d(aer)omtrint alsoe v(er)re als jan puttarts d(aer)aff/ dbewint gehadt heeft Heeft geloeft der voirs(creven) v(r)[o](u)we(n)/ en(de) kairle(n) vand(er) rivie(re)n hue(re)n rintmeest(er) alle de selve p(ro)ffite(n)/ v(er)valle(n) erfpachte chijse en(de) rinte(n) ald(aer) jairlijx v(er)schinende/ jairlijx inne te heffen(e) te bue(re)n en(de) tontfangen(e) en(de) d(aer)aff/ inne te stane ende goede rekeni(n)ge ende bewijs te doene/ nae inhoude(n) zijnd(er) co(m)missien bezegelt onder m(ijn) vrouwe(n) segel/ voirscr(even) vander daet xiiii[c] lxxxiii se(cun)da decembr(is) Heeft/ voirts geloeft dat hij bynne(n) eene(n) jaire naestcomen(de)/ eene(n) nyeuwe(n) register maken sal nae zijn beste va(n)/ alle(n) den voirscr(even) erfpachte(n) chijse(n) en(de) rinten met oick den/ gronden van erve den voirscr(even) godsh(uys) toebehoiren(de) wair/ die inden voirscr(even) dorpen gelege(n) zijn oft d(aer)omtrint/ cor(am) hove nausnyde(re) decembr(is) xxii