Nae dien dat op hede(n) franchois de semoy coopma(n) voe(r)/ de borg(er)meeste(re)n vander stat en(de) e(n)nige(n) vand(en) rade heeft/ / ontboden woute(re)n m(er)celijs ingeseten(en) va(n) des(er) stat seggende/ hoe dat deselve wout(er) hem geloeft hadde te betalen(e) in/ tijden voirlede(n) d(aer) van den dach v(er)streken was alsulk(en) last/ herinx oft lxxii pet(er)s d(aer) voe(r) als lievijn weert wile(n) ind(en)/ spiegel tot bruessele aen franchoise voirs(creven) ontleent hadde/ tot name(n) dwelck hij oft de voirscr(even) wout(er) dat ontky(n)nen/ woude p(rese)nteerde te thoene(n) bege(re)nde d(aer)van uuytreykinge/ en(de) betalinge soe dat nae recht behoirde D(aer)tegen wout(er)/ genoech beky(n)nende de voirs(creven) geluefte seyt dat hij dat/ t(er) liefden va(n) lieven(en) voirscr(even) gedae(n) hadde die he(m) geloeft/ hadde d(aer)aff tontheffen(e) gedragen(de) he(m) d(aer)aff oick tott(er) wairh(eit)/ d(aer)af zijnde en(de) en wist d(aer)tege(n) niet te allige(re)n de voirscr(even)/ sake en ware alsoe geschiet tussche(n) hen als coopliede/ Es gewesen bijden borg(er)meester en(de) e(n)nige vande(n) rade d(aer)bij/ zijnde nae dbekin desselfs wout(er)s dat hij sculdich sal zij(n)/ den voirs(creven) franchoise opte leggen(e) en(de) te betalen(e) tvoirscr(even)/ last herinx oft lxxii pet(er)s d(aer) voe(r) decembr(is) xxii