Nae dien dat op heden bijden rade vand(er) stat is gecome(n)/ gheert hudge t(er) eender zijden jacop trouwants en(de) jan/ metter huyven t(er) ande(re) aldair de voirscr(even) geert ae(n) socht/ vanden selven betalingen te hebben(e) vand(er) pont assizen/ in zijnder tijt voirleden als hij die hadden vand(er) stat / en(de) aende selve p(er)sone(n) verschenen so hij hielt va(n)/ garen(e) dwelck zij gecocht mochten hebben en(de) v(er)wracht/ tegen de vettewariers van des(er) stat versueken(de) d(air)af/ trecht (et)c(etera) Dair tegen de voirs(creven) p(er)sonen hen oppone(re)nde/ deden zeggen hoe dat zij hoepten dat zij van die(n)/ goeden niet sculdich en ware(n) aengesien dat naede(r) ord(inanci)[en]/ vand(en) vercoope d(er) pont assizen en(de) oick der ouder/ gewoenten de v(er)coop(er)s te weten(e) de vettewariers die/ betaelden naden selve(n) ordinan(cien) d(aer) zijs hen toegedronghe(n)/ / hopende dat tselve goet met eene(n) pont gelde gestae(n)/ soude zonder meer ende zunderlinge want de vettewar(ier)/ dat hier bynne(n) va(n) heu(re)n vlasse deden spi(n)nen en(de) bereet/ maken Es den selve(n) uuytgesproken en(de) get(er)mineert nae/ dien dat opde selve materie gelet is geweest bijden/ rade en(de) de voirs(creven) ordinan(cien) vu(r)sien dat de voirs(creven) p(er)sone(n)/ d(air)aff ongehouden souden wesen en(de) dat tselve goet mair/ eens pont gelt sculdich en is te geven(e) te wae(re) dat/ voirdere verthiert werde in (con)s(ili)[o] op(idi) julii xviii