SAL7377, Akte: V°56.1 (115 van 951)
Akte V°56.1
Act
Datum: 1483-08-09
Transcriptie
2020-03-26 door arlette De PaepeWant jan vander eycken als geleijt nae der stat recht voir/
zijn wettich gebreck tot allen den goeden beyde have ende/
erve reyners beatrijs en(de) jans wijlen beatrijs zijns soens he(n)/
oft woute(re)n van boene(n)rode d(er) stat bode in zijn(en) name/
alle de selve goede heeft doen leve(re)n met br(ieven) van des(er)/
stat gescreve(n) aenden meye(r) va(n) berthem oft zijne(n) stedeh(ouder)/
en(de) dach van recht doen beteken(en) den voirs(creven) reyne(re)n en(de)/
janne corema(n) oft zij tegen de voirscr(even) leveringe yet/
hadden willen allige(re)n Tot welke dage de voirs(creven) p(ro)cur(eur)/
p(er)sone noch nyema(n)t van hue(re)n wegen gecompareert en/
is den voirscr(even) geleyden trecht voirt versueken(de) Soe/
v(er)re dat de scepen(en) van loven(e) t(er) manissen smeyers gewesen/
hebben voir een vo(n)nisse nae dat hen behoirlijck heeft/
gebleken bij rappoirte wout(er)s van boene(n)rode d(er) stadt/
bode de voirscr(even) leveringe ende dach besceydinge gesciet/
te zijne datmen den voirscr(even) geleyde(n) vand(en) voirs(creven) goede(n)/
houden soude inde macht va(n) zijne(n) beleyde en(de) scepen(en) br(ieven)/
alsoe v(er)re alst noch voir hen come(n) is in scampno cor(am)/
scabinis augusti ix
Nagekeken door: kristiaan magnus
Moderator: kristiaan magnus
Laatste update:: 2016-11-22 door Xavier Delacourt