Nae dien dat ten ernstige(n) versueke willems verspicken port(er)s/ van loven(e) de schouth(eit) van turnhout met twee brieve(n) vander/ stat ernstelijck versocht heeft geweest de jouffr(ouwe) symoens zweg(er)/ des voirscr(even) willems ald(aer) wonechtich onderwese(n) oft uuyt(er)lijck/ bedwongen te worden hem te restitue(re)n zeke(re) haeflike goede/ die hem soe hij kynne(n) gaff bijder selver joffr(ouwen) ontweldicht/ en(de) ontogen ware(n) geweest nae zijns wijffs aflivich(eit) die docht(er)/ was der selver jouffr(ouwen) uuyt zijne(n) huyse en(de) woeni(n)ge(n) te turnhout/ die wijle hij ind(en) dienst m(ijns) gened(ichs) he(re)n inde leste orloge va(n) vlaende(re)n/ hadde geweest oft dat de selve offic(ie)r van heerh(eyden) soe vele dade/ dat dat alsoe gebuerde oft dat hij mette(n) ii[te(n)] br(ieve) selve alh(ier) q(ua)me/ reden(en) allige(re)n wairbij hij des metten yersten alsoe niet en hadde/ gedaen Soe compareerden op ghiste(re)n voe(r) den rade van des(er) stat/ de voirs(creven) jouffr(ouwe) met hue(re)n vrienden t(er) eender en(de) de voirs(creven) wille(m)/ t(er) ande(r) zijden aldair den voirs(creven) ii[te(n)] br(ief) gelesen zijnde mette(n) reden(en)/ d(aer)inne begrepe(n) wair bij die vand(en) vrih(eit) va(n) turnhout tonrechte/ gesustineert hadden dat trenvoy vand(en) saken gebue(re)n en(de) dat/ de ky(n)nisse hen toebehoire(n) soude(n) de voirs(creven) jouffr(ouwe) alnoch te(n) derde/ d(aer)toe en(de) d(aer)aff ontweecht zijnde en(de) dat zij soude antw(er)den voe(r)/ den rade alh(ier) oft voir meye(re) en(de) scepen(en) va(n) loven(e) inde banck/ dat huer dat best geliefde coes zij tgerichte alh(ier) voe(r) de(n) rade/ en(de) hoepte dat huer voir al twee dingen souden gebue(re)n deen/ dat de poirte(r) huer en(de) pete(re)n vanden plasse hue(re)n behuweden/ zone verseke(re)n soude vanden lant rechte want zij boot te bewijse(n)/ op dat ontkint worde zeke(re) vremde hanteringe(n) va(n) oploope/ dreygeme(n)ten en(de) fortsen bijden voirs(creven) poirte(re) ae(n) huer en(de) den voirs(creven)/ pete(re)n onlanx leden gedaen dander want aen hem niet te v(er)halen
//
en ware gemerct dat hij niet gegoet en was noch te v(er)lies(en)/ en hadde ende de costen alhier gescapen waren g(roo)t gherijsen/ dat hij voe(r) donrechte costen die zij lijden mochte in desen/ saken gehouden soude zij(n) caucie ende borchtocht te stellen/ den rechte genoech zijnde dair tegen de selve willem/ ontkynnen(de) den oploop dreygeme(n)ten fortsen en(de) hanteringhen/ voirs(creven) seyde dat zijn zweg(er) noch peter die ne(m)m(er)meer bewise(n)/ en souden conne(n) en(de) d(aer)o(m)me meynde hij ongehoude(n) te zijne va(n)d(en)/ voirscr(even) versekeringe(n) te doen(e) op dande(re) seyde hij dat hij niet/ sculdich en ware naeden rechte van des(er) stat caucie oft borchtocht/ te stellen gem(er)ct dat hij wa(r)e een ingeseten(e) van des(er) stat en(de)/ dat hem alnoch goede stonden te v(er)sterve(n) soe v(er)re dat uuyt(er)lijck/ de voirs(creven) poirte(r) bij onderwijse vande(n) rade vander stat ond(er)wese(n)/ w(er)t dat hij hantvrede hadde moete(n) geve(n) al en ware(n) de voirs(creven)/ fortse(n) (et)c(etera) op hem niet gethoent en(de) om de zwa(r)e coste(n) vanden/ getuyge(n) in desen te schouwe(n) aengenomen heeft geloeft ende/ ov(er)gegeve(n) de voirs(creven) versekeringe(n) te doen(e) nae recht Ende om/ d(aer)toe te come(n) es uuytgegae(n) om te siene nae eene(n) scep(en) die/ dair gebrack ende dair voe(r) dat geschien soude In welck/ uuytgae(n) de voirscr(even) poirte(r) he(m) geabsenteert heeft en(de) acht(er)bleve(n)/ es alsoe dat de voirs(creven) jouffr(ouwe) en(de) pet(er) voirt trecht v(er)socht/ hebben nae de voirscr(even) handelinge en(de) voirt tot op heden hue(r)/ vervolch gecontinueert en(de) versocht hebbe(n) want de poirte(r) die/ nochtan de sake alh(ier) selve betoge(n) hadde hem hadde geabsentert/ dat bijder he(re)n t(er)mi(n)acie v(er)cleert worde dat de voirscr(even) geluefte(n) en(de) aen(n)nemi(n)gen vand(en) versekeringen te doen(e) alsulck waren/ sculdich geacht en(de) gehoude(n) te worde(n) alse oft die volcomelijck/ bij hem acht(er)volgen(de) der selver zijnder gelueften ae(n)nemi(n)ghen/ en(de) consente ware(n) gebuert en(de) volcome(n) ende dat de selve/ jouffr(ouwe) voirt sculdich wa(r)e van des poirt(er)s eyssche int pri(n)cipael/ los quijt en(de) vry gewese(n) te worde(n) te voirde(r) want zij hue(re)n/ eedt p(rese)nteerde dat zij gheen goede den voirs(creven) willem(me)/ toebehoiren(de) onder en hadde noch ae(n)veert dan een scrij(n)ken oft/ kistken dat hue(r) was d(aer) alderhande cleyne pru(n)celingen in ware(n)
//
van wanten ende d(er)re gelijcke den selve(n) willem(me) toebehoiren(de)/ wair op den raet vander stat notabelijck vergadert der voirs(creven)/ jouffr(ouwen) verclaert en(de) uuytgesproken heeft voir recht Yerst/ aengaen(de) den yersten pointe vander voirs(creven) v(er)sekeringen dat/ de selve jouffr(ouwe) alle de acten en(de) geschiedeniss(en) van dien soe/ die h(ier) voe(r) g verhaelt staen soude doen geri registre(re)n ende/ ter memorie(n) stellen om in tijden en(de) wijle(n) alst behoeve(n) mochte/ te diene(n) d(aer)op alsdan gelet dat voir oge(n) genome(n) en(de) voirt/ d(aer)inne alsdan gedaen te worde(n) soe me(n) nae alle gelegenth(eit)/ bevi(n)den soude behoiren(en) Ende aengaen(de) den ande(re)n pointe dat/ de voirscr(even) jouffr(ouwe) vand(en) eyssche des voirs(creven) poirt(er)s int pri(n)cipael/ op tvoldoen van huer(er) voirscr(even) p(rese)ntacien ongehoude(n) soude zij(n)/ Naden welken de selve jouffr(ouwe) t(er) stont bij eede v(er)cleerde tghene/ des zij gelijck vo(r)e gep(rese)nteert hadde In cons(ili)[o] op(idi) p(rese)ntibus/ tybe burg(imagistr)[o] naus(nydere) vynck scabinis et plur(i)b(us) aliis de (con)s(ili)[o]/ augusti xii