Item zijn buyten der voirscr(even) deylinge(n) bleve(n) twee rinssche guld(en)/ erflijck die jacop vander biest met zijne(n) medepleg(er)s schuldich/ es te dier meyni(n)gen datme(n) d(air)uuyt jairlijx betalen sal twee/ derdendeele van eene(n) mudde rox datme(n) katlijne(n) sbeckers/ beghijne jairlix hue(r) leefdage lanck schuldich es It(em) voirt/ blive(n) noch buyte(n) alsulke goede(n) landen bempde(n) wijng(ar)den en(de)/ ande(re) als gelege(n) zijn te h(ere)nt en(de) d(air)omtrent met oick de twee/ derdendeele van drie nobels erflijck opde stadt va(n) vilvoirde(n)/ soe hen die vand(en) voirscr(even) g(er)truyd(en) huer(er) moeyen gelaten zijn/ te dier meyni(n)gen dat goirt de visele(re) voirscr(even) die goede/ ende rinten opbue(re)n ontfanghe(n) ende rege(re)n sal wel ende/ getrouwelijck ende de prouffite van hen allen int ghemeyne/ op goede rekeni(n)ghe e(m)mers soe langhe de voirscreven/ g(er)truydt hue(r) moeder leve(n) sal den welk(en) zij al tsame(n)/ ghemechticht hebben cor(am) eisdem