It(em) hebben de voirs(creven) kinde(re)n met hue(re)n mo(m)boiren elc/ den ande(re)n gelooft inne te staen(e) en(de) tontheffen(e) va(n)/ sijne(n) gedeelte die hij te drage(n) soude moege(n) hebbe(n)/ in tvie(re)ndeel dat wout(ere)n de becke(re) huere(n) brued(er)/ buyte(n) lants sijnde d(aer)aff sij gheen ky(n)nisse en hebbe(n)/ oft hij leven(de) oft doot es gebue(re)n soude moete(n) en(de)/ en(de) toebehoire(n) vande(n) voirs(creven) goede(n) chijse(n) rinte(n)/ en(de) pachte(n) alsoe dat elc huer(er) in dien vande(n)/ ande(re)n geheelijc gelost en(de) ontlast wordde/ en(de) soe dat [elc huer(er)] sij e(m)mer sond(er) v(er)coope(n) soe vele ond(er)/ houde(n) sal als tgedeelte des voirs(creven) wout(er)s/ inde(n) goede(n) voirs(creven) soude moege(n) gedrage(n) En(de) oft/ men bevonde dat de hue(r) vand(er) h(er)berge(n) geheete(n)/ de croone voirs(creven) die jan de page paeps d(aer)aen/ heeft en(de) voirtijts gedaen heeft tege(n) den voirs(creven)/ wijlen joese myn gedroege dan xiiii r(insche) gul(den)/ tsjaers sijne(n) t(er)mijn vand(er) hueri(n)ge(n) dueren(de) d(aer)aff/ soude(n) de voirs(creven) joes augustijn en(de) sijn wijf/ hue(r) advena(n)t den voirs(creven) marken en(de) sijne(n) wive/ oprichte(n) Oft men voirts e(n)nige goede chijse(n)/ rinte(n) oft pachte(n) voir nyet gedeylt bevonde/ dat men die te gelijke deylen soude wordde/ oic e(n)nige(n) van hen va(n) sijne(n) gedeelte met rechte/ yet afgewonne(n) d(aer)aff soude(n) dande(r) bij alsoe/ sij totte(n) v(er)antweerde(n) behoirlijc geroepe(n) wae(re)n/ den last hulpe(n) drage(n) oft oic uut yemants/ gedeelte meer co(m)mers ghinge dan voe(r) gecleert/ es d(aer)af soude(n) sij den last gelijc drage(n) op dat/ sij gelijc voe(r) totte(n) v(er)antweerden wae(re)n geroepe(n)/ cor(am) eisd(em)