Na dien dat jouffr(ouwe) joha(n)ne zoete(n) weerdynne ph(ilip)s vanden/ breyne inde banc voir meye(r) en(de) scepen(en) van loven(e) behoirl(ic)/ met andriese van voshem vorste(r) gethoent heeft drie rasta/ menten geschiet te sijne met rechte op een bedde en(de)/ ande(re) haeflijke goede wesen(de) in hande(n) vander wed(uwe) wijlen/ meest(er) gheerts pet(er)s toebehoiren(de) diericke poirte(re) en(de) oic opde/ goede hem toebehoiren(de) wesen(de) inden huyse dair hij plach/ te woenen gelegen opden hoeck vand(er) p(re)dike(re)n strate(n) ende/ oick in eens cleermakers huys [d(aer) tege(n) over] oft opde pe(n)ni(n)gen d(aer)aff/ comen(de) en(de) hue(re) wettige scult die sij aende(n) selve(n) diericke/ ombetailt uutstaen(de) heeft bij voirgaen(de) vo(n)nisse van scepen(en)/ gecleert bij hue(re)n eede gedragende vier r(inssche) gul(den) en(de) x pl(a)c(ken)/ sond(er) de costen inder saken geloepe(n) en(de) voirt doen manen/ den scep(enen) vanden rechte hoe sij tot huer(er) scult soude moege(n)/ geraken Soe hebben de scepen(en) van loven(e) t(er) manissen/ smeyers gewijst voir een vo(n)nisse dat de voirs(creven) jouffr(ouwe)/ joha(n)ne hue(re) geverificeerde scult met coste en(de) co(m)me(re)/ aende voirs(creven) gerasteerde goede en(de) pe(n)ni(n)gen verhalen sal/ en(de) ofter yet overt dat sij dat restitue(re) ende oft(er) gebrake/ dat sij voirts vae(re)n sal moege(n) met rechte In sca(m)pno/ julii xxix