It(em) gielijs van cav(er)chon in p(rese)ntia heeft gekint en(de) gelijt gehaven/ te hebben en(de) ontfangen vanden edelen en(de) moegen(de) h(er)toge/ willem(me) h(er)toge te gulke en(de) totten berghe greve te ravensb(er)ge/ hee(r) te heynsberghe te diest te zichen(en) (et)c(etera) en(de) dat uut/ handen mathijs vanden rode rintmeesters des voirs(creven) heerscaps/ in sijnen voirs(creven) lande van diest de so(m)me van thien rinssche/ gulden(en) uut saken vanden twintich rinssche gulden(en) die/ de voirs(creven) gielijs jairlijcx en(de) erflic heeft en(de) houden(de) es/ opde goede chijse en(de) pachte(n) des voirs(creven) h(er)togen v(er)cregen/ tegen h(er) jacoppe wijlen greve van salmen bescreven/ in seke(re) scepen(en) brieve(n) van loven(e) en(de) ande(re) d(aer)op gemaict/ te twee t(er)mijne(n) te weten(e) deen helicht te bamisse/ en(de) dande(r) helicht te paesschen en(de) dit vande(n) t(er)mijne/ van paesschen lestleden Bekynnen(de) hem de voirscr(even) giel(ijs)/ vanden voirs(creven) t(er)mijne en(de) allen ande(re)n voirleden(en) t(er)mijne(n)/ van voe(r) den voirs(creven) paesschen v(er)schenen volcomel(ic) ge/ noech gedaen te sijne sceldende(de) d(aer)aff q(ui)te den voirs(creven)/ h(er)toge zijne(n) rintmeeste(r) en(de) alle ande(re) des q(ui)tan(cie) behoeven(de)/ cor(am) liefkenrode hoeve(n) oct(obris) ii