SAL7380, Akte: R°126.2 (267 van 904)
Akte R°126.2
Act
Datum: 1486-10-21
Taal: Nederlands
Transcriptie
2021-03-03 door Jef WillemsensWant henrick egnoy als geleyt nae des(er) stadt recht voir/
sijn wettich gebreck uut crachte van scepen(en) brieve(n) van/
loven(e) tot allen den goede(n) beyde have en(de) erve jasp(er)s en(de)/
diericx le coste gebruede(re)n soe wair die gelege(n) hem met/
brieve(n) van des(er) stadt gescr(even) aende(n) meye(r) van gest s(ain)[t]/
jehan oft sijne(n) stadhoude(r) alle de selve goede behoirl(ic) heeft/
doen leve(re)n en(de) den selve(n) gebruede(re)n en(de) hue(re)n wynnen/
dach van rechte inde banc voir meye(r) en(de) scepen(en) heeft/
doen besceyden oft sij hen tege(n) de leveri(n)ge hadden willen/
oppone(re)n Tot welken dage noch oic op hede(n) als ten/
v(er)streken(en) dage van rechte sij niet gecompar(er)t en sijn/
noch p(ro)cur(eur) van sijne(n) hue(re)n wege(n) geco den voirs(creven) ge/
leydden altijt (com)pare(re)nde en(de) trecht voirt v(er)suekende/
Soe hebben scepen(en) van loven(e) t(er) manissen smeyers nae/
dat hen bij raporte pet(er)s comelinck des(er) stadt bode/
behoirl(ic) hadde gebleken dexecutie als voe(r) geschiet te sijne/
gewesen voir een vo(n)nisse dat men den voirs(creven) geleydden/
vande(n) voirs(creven) goede(n) houde(n) soude inde macht van sijnen/
scepen(en) brieve(n) beleyde en(de) leveri(n)gen alsoe v(er)re alst noch/
voir scepen(en) come(n) es in scampno octobr(is) xxi
Nagekeken door: kristiaan magnus
Moderator: kristiaan magnus
Laatste update:: 2017-03-27 door Claire Dejaeger