It(em) meest(er) joes van boechout canonick tsinte pet(er)s te loven(e)/ jan vand(er) mee(re)n arnoldus kyp en(de) arnoldus trot als execu/ tuers vande(n) testame(n)te wijlen he(re)n coenrarts vand(er) me(re)n ridders/ renu(n)cie(re)nde in desen d(er) p(ri)vilegien d(er) univ(er)siteyt van loven(e) en(de)/ allen ande(re)n die arnde de scrape(re) van bruessele gegoidt/ hebben int huys en(de) goede van dielbeke met hue(re)n toebeh(oirten)/ te dielbeke en(de) dair omtri(n)t gelegen die wijlen den voirs(creven)/ he(re)n coenrarde toebehoirden en(de) die de selve her coenrart/ in sijne(n) leven(e) den voirs(creven) arnde v(er)cocht hadde desgelijcx/ in eene(n) bosch t(er) nat gelegen den selven arnde bijden voirs(creven)/ executuers vercocht en(de) gevesticht Van welken goeden
//
voirs(creven) de voirs(creven) executuers hen noch hue(re) goede voir de wairscap/ niet en hebben verlooft noch verbonden niet myn om dat de/ voirs(creven) arnt te bat besorcht soude moegen wesen hebben de voirs(creven)/ executuers den selven arnde toegeseecht en(de) gelooft dat sij/ ten besorge des selfs arnts selen behouden in hue(re)n machten/ vi jair due(re)nde nae datu(m) van desen alsoe vele penni(n)gen/ gecome(n) vanden coope d(er) voirs(creven) goede als de selve h(er) coenrart/ in sijne(n) testame(n)te gelaten heeft tot behoef vanden armen oft alsoe/ erfrinte(n) als mette(n) selve(n) penni(n)gen bijden executue(re)n tot der/ armer behoef gecocht selen wesen Te dien ynde oft den/ voirs(creven) arnde de voirs(creven) goede oft e(n)nige van dien wordden/ afgewonne(n) met rechte oft oic dat die goede wordden/ gepraemt en(de) belast van meer co(m)mers dair uut gaende/ dan dair op hij die aenveert heeft en(de) aende penni(n)ge(n) vand(en)/ coope den executue(re)n gecort sijn dat dan de voirs(creven) execu/ teurs in dien gevalle bijden voirs(creven) arnde tot den v(er)antweerde(n)/ van dien geroepen bynnen den voirs(creven) t(er)mijne en(de) niet langhe(r)/ noch anderssins den selven arnde dat verlies selen v(er)richten/ met penni(n)gen oft erfrinte(n) nae lantcoep alle fraude in desen/ uutgesloten cor(am) hoeven tybe nove(m)bris qui(n)ta